استانادا تەرگەۋشىگە شابۋىل جاساعان ءۇش ادام سوتتالىپ كەتتى
استانا. KAZINFORM - سوت ۇكىمىمەن بيلىك وكىلىنە قاتىستى كۇش قولدانعانى ءۇشىن ءۇش ادام سوتتالدى، دەپ حابارلايدى استانا قالاسى پروكۋراتۋراسىنىڭ باسپا ءسوز قىزمەتى.
قۇقىق قورعاۋ ورگانىنىڭ تەرگەۋشىسى مەملەكەتتىك ورتالىق ورگانداردىڭ ءبىرىنىڭ لاۋازىمدى تۇلعالارى مەن ج ش س باسشىلىعىنا قاتىستى جىمقىرۋ فاكتىسى بويىنشا قىلمىستىق ءىستى تەرگەپ، كومپانيانىڭ اكتيۆتەرىن بۇعاتتاعان. ونىڭ قىزمەتتىك مىندەتتەرىن ورىنداعانى ءۇشىن كەك الۋ ماقساتىندا سوتتالعان ءۇش ادام تەرگەۋشىگە شابۋىل جاساۋدى ۇيىمداستىرعان.
قىلمىستىق پيعىلىن ىسكە اسىرۋ بارىسىندا ولار جابىرلەنۋشىنىڭ تۇرعىلىقتى مەكەنجايىنا بارىپ، ءۇيىنىڭ كىرەبەرىسىندە وعان شابۋىل جاساعان.
سوتتا مەملەكەتتىك ايىپتاۋشى شابۋىل جاساعانداردىڭ كىناسىن تولىق دالەلدەدى.
- سوت ۇكىمىمەن شابۋىلدىڭ ۇيىمداستىرۋشىسى 5 جىلعا باس بوستاندىعىنان ايىرىلىپ، قالعان ەكى قاتىسۋشى سايكەسىنشە 4 جانە 3 جىلعا باس بوستاندىعىنان ايىرىلدى. ۇكىم زاڭدى كۇشىنە ەندى، - دەلىنگەن حابارلامادا.
