استانادا س و ب ر قىزمەتكەرلەرىنە شابۋىل جاسالدى: پوليتسيا ءىس قوزعادى
استانا. KAZINFORM - الەۋمەتتىك جەلىدە استانادا جەدەل ارەكەت ەتۋ ارنايى جاساعى (س و ب ر) قىزمەتكەرلەرىنىڭ سوققىعا جىعىلعانى تۋرالى اقپارات تارادى.

الەۋمەتتىك جەلىدە جاريالانعان مالىمەتكە سايكەس، 21-قاڭتار كۇنى بىرنەشە جىگىت ەلورداداعى ەسىل اۋداندىق پوليتسيا بولىمىنە كەلىپ، جەدەل قيمىلدايتىن جاساق قىزمەتكەرلەرىنە شابۋىلداپ، دەنەسىن جاراقاتتاپ، وقيعا ورنىنان قاشىپ كەتكەن.
بۇل وقيعاعا قاتىستى قالالىق پوليتسيا دەپارتامەنتى تۇسىنىكتەمە بەردى:
— اتالعان فاكت بويىنشا پوليتسيا دەپارتامەنتى قىلمىستىق ءىس قوزعادى. قازىرگى ۋاقىتتا تەرگەۋ امالدارى جۇرگىزىلۋدە، ونىڭ ناتيجەسى بويىنشا پروتسەسسۋالدىق شەشىم قابىلدانادى. ق ر ق ك 201-بابىنا سايكەس، باسقا مالىمەتتەر جاريالانبايدى، — دەپ حابارلادى پوليتسيا وكىلدەرى.
بۇعان دەيىن پاۆلوداردا زەينەتكەرگە شابۋىل جاساعان ەر ادامنىڭ قولعا تۇسكەنى حابارلانعان ەدى.