استانادا ەر ادام ايەلىنىڭ اپكەسىن ولتىرگەن ادامعا 10 ميلليون تەڭگە بەرمەك بولعان
استانادا ايەلىنىڭ تۋىسىن ءولتىرۋدى جوسپارلاعان ەر ادامعا قاتىستى ءىس قارالدى، - دەپ حابارلايدى استانا قالالىق سوتىنىڭ باسپا ءسوز قىزمەتى.
سوت ۇكىمى بويىنشا ش. الدىن الا ءسوز بايلاسۋ ارقىلى پايداكۇنەمدىك نيەتپەن كىسى ولتىرۋگە دايىندىقتى ۇيىمداستىرعانى ءۇشىن 10 جىلعا، ال ن. كومەك كورسەتكەنى ءۇشىن 7 جىل 6 ايعا باس بوستاندىعىنان ايىرىلدى.
«سوت ش. ن. -عا جۇبايىنىڭ اپكەسىن 10 ميلليون تەڭگەگە ولتىرۋگە تاپسىرىس بەرگەنىن انىقتادى. سەبەبى ول وزىنە ساقتاۋ ءۇشىن قالدىرىلعان اقشانى جۇمساپ قويعان. ال ن. ءوزىنىڭ تانىسى ۆ. -عا كىسى ءولتىرۋدى ۇسىندى. الايدا ۆ. بۇل تۋرالى پوليتسياعا حابارلادى. پوليتسيا تاپسىرىس بەرۋشى مەن كىسى ءولتىرۋشىنى ۇستاۋ ماقساتىندا جابىرلەنۋشىنىڭ ءولىمىن يميتاتسيالاپ، سوتتالعانداردى ۇستادى»، - دەپ جازىلعان سوت مالىمەتىندە.
قورعاۋشى تاراپ اپەللياتسيالىق شاعىمدارىندا ۇكىممەن كەلىسپەي، ش. مەن ن. جابىرلەنۋشىنى ولتىرۋگە ەمەس، ونىڭ اقشا تۋرالى ءبىراز ۋاقىتقا ۇمىتۋىن كوزدەپ، تەك ۇرىپ-سوعۋعا تاپسىرىس بەرگەنىن ايتتى. سوت القاسى سوتتالعانداردىڭ كىناسى كۋاگەردىڭ ايعاقتارىمەن، اڭگىمەلەسۋ ستەنوگرامماسىمەن، تاركىلەنگەن زاتتاي دالەلدەمەلەرمەن تولىق دالەلدەندى دەگەن قورىتىندىعا كەلدى.
سوتتىڭ 25- جەلتوقسانداعى قاۋلىسىمەن ۇكىم وزگەرىسسىز قالدىرىلدى جانە زاڭدى كۇشىنە ەندى.
