استانادا ەندى التى اۋدان بولادى

استانا. KAZINFORM - استانا تاعى ءبىر اۋدانمەن تولىعادى. حالىق سانىنىڭ وسۋىنە، قالا قۇرىلىسىنىڭ بەلسەندى جۇرۋىنە بايلانىستى الماتى اۋدانى ەكىگە بولىنەتىن بولدى. بۇل تۋرالى ktk.kz سايتى جازدى.

1998 -جىلى قۇرىلعان الماتى اۋدانىندا شاھاردىڭ بەت- بەينەسىنە اينالعان عيماراتتاردىڭ باسىم بولىگى ورنالاسقان. ايماقتاعى پرەزيدەنت ساياباعى مەن ترياتلون پاركى، «قازاق ەلى» الاڭى، ۇلتتىق مۋزەي، ازىرەت سۇلتان مەشىتى مەن بەيبىتشىلىك جانە كەلىسىم سارايى قالا قوناقتارى ەرەكشە ىلتيپاتپەن باراتىن ايشىقتى قۇرىلىس نىساندارى.

ايتا كەتەيىك، الماتى اۋدانىن ءبولۋ تۋرالى باستاما 2018 -جىلى كوتەرىلگەن. قالا كەڭەسىنىڭ ورتاق شەشىمىمەن ول كەزدە اۋداننىڭ كەي بولىگى بايقوڭىر اۋدانىنا قوسىلعان بولاتىن. وسىلايشا ەندى استانادا التى اۋدان بولادى: الماتى، سارىارقا، بايقوڭىر، ەسىل، نۇرا جانە اتاۋى ازىرگە بەلگىسىز جاڭا اۋدان.

اۆتور
باقىتگۇل اباي قىزى