استانادا «مەكتەپكە جول» اكسياسى اياسىندا 200 دەن استام بالاعا وقۋ قۇرالدارى تاراتىلدى
ەلورداداعى دوستىق ۇيىندە استانا قالاسى قازاقستان حالقى اسسامبلەياسىنىڭ ۇيىمداستىرۋىمەن «مەكتەپكە جول» قايىرىمدىلىق اكتسياسى ءوتتى، دەپ حابارلادى قالا اكىمدىگىنىڭ رەسمي سايتى.
ەتنومادەني بىرلەستىكتەردىڭ مۇشەلەرى مەن انالار كەڭەسىنىڭ، «جومارت جان» ورتالىعىنىڭ قولداۋىمەن وتكەن ءىس- شارادا 200-دەن استام بالاعا مەكتەپ سومكەسى مەن وقۋ قۇرالدارى بەرىلدى.
يگى شارانىڭ اشىلۋ سالتاناتىنا استانا قالاسى ىشكى ساياسات باسقارماسىنىڭ باسشىسى نۇرداۋلەت ءالمۇحانوۆ قاتىسىپ، اكتسياعا قولداۋ كورسەتكەن بارلىق جاناشىر جاندارعا العىس ءبىلدىردى.
«بۇگىن ەلوردا تۇرعىندارىمەن بىرگە جىل سايىن داستۇرگە اينالعان «مەكتەپكە جول» رەسپۋبليكالىق اكتسياسىنىڭ كۋاگەرى بولىپ وتىرمىز. بۇل اكتسيا استانا قالاسىنىڭ قازاقستان حالقى اسسامبلەياسىنىڭ قولداۋىمەن ءوتىپ جاتىر. بالالارعا مەكتەپكە قاجەتتى بارلىق قۇرال- جابدىقتار بەرىلەدى. وسى ورايدا اكتسياعا اتسالىپ، كومەك كورسەتكەن قالالىق قازاقستان حالىق اسسامبلەياسىنا جانە دەمەۋشىلەرگە العىسىمدى بىلدىرەمىن»، - دەدى باسقارما باسشىسى.
استانا قالاسى ق ح ا ءتوراعاسىنىڭ ورىنباسارى ءامىرجان الپەيىسوۆ اكتسيانىڭ ماقساتىنا توقتالىپ ءوتتى.
«بۇگىنگى اكتسيانىڭ ماقساتى - وقۋشىلاردى مەكتەپكە قاجەتتى بارلىق قۇرال- جابدىقپەن قامتاماسىز ەتۋ، تۇرمىس جاعدايى تومەن جانە كوپبالالى وتباسىدان شىققان بالالارعا جاڭا وقۋ جىلى اياسىندا الەۋمەتتىك قولداۋ كورسەتۋ. اتالمىش اكتسياعا ەلوردالىق قحا جىل سايىن بەلسەندى تۇردە قاتىسىپ كەلەدى»، - دەدى ءامىرجان الپەيىسوۆ.
ەستەرىڭىزگە سالا كەتەيىك، 1-تامىزدان 30-قىركۇيەككە دەيىن از قامتىلعان، كوپ بالالى وتباسىلار، جەتىم بالالار جانە اتا-اناسىنىڭ قامقورلىعىنسىز قالعان بالالار قاتارىنداعى ءبىلىم الۋشىلارعا «مەكتەپكە جول» رەسپۋبليكالىق اكتسياسى اياسىندا دەمەۋشىلىك قاراجاتى ەسەبىنەن كەرەك-جاراقتارى بار مەكتەپ ريۋكزاكتارى تۇرىندە كومەك كورسەتىلەدى. بارلىعى 8500-دەن استام بالانى قامتۋ جوسپارلانۋدا.
بۇل اكتسيانىڭ ماقساتى از قامتىلعان، كوپ بالالى وتباسىلار، جەتىم بالالار جانە جاڭا وقۋ جىلىنىڭ باستالۋىنا دايىندىق كەزەڭىندە اتا-اناسىنىڭ قامقورلىعىنسىز قالعان بالالار قاتارىنداعى ءبىلىم الۋشىلارعا ماتەريالدىق كومەك كورسەتۋ جانە الەۋمەتتىك سەبەپتەر بويىنشا بالالاردىڭ مەكتەپكە بارماۋىنىڭ الدىن الۋ بولىپ سانالادى.
