استانادا ۇلتتىق قۇزىرەتتەر ورتالىعى قۇرىلادى
استانا. KAZINFORM - وقۋ-اعارتۋ ءمينيسترى عاني بەيسەمبايەۆ ۇكىمەت وتىرىسىندا استانادا ۇلتتىق قۇزىرەتتەر ورتالىعى قۇرىلاتىنىن ايتتى.
- جۇمىسشى ماماندىقتار جىلىنىڭ تاعى ءبىر جاڭالىعى استانا قالاسىندا ۇلتتىق قۇزىرەتتەر ورتالىعىن قۇرۋ بولماق. بۇل ورتالىق كاسىبي قۇزىرەتتەردى، جاڭا تەحنولوگيالىق شەشىمدەردى، زاماناۋي كاسىبي داعدىلاردى ازىرلەپ، وندىرىسكە ەنگىزۋگە ىقپال ەتەدى، - دەدى عاني بەيسەمبايەۆ.
ونىڭ ايتۋىنا قاراعاندا مۇنداي ورتالىقتار الەمنىڭ الدىڭعى قاتارلى يندۋستريالدىق مەملەكەتتەرىندە بۇرىننان بار.
- سونىمەن قاتار، ۇلتتىق قۇزىرەتتەر ورتالىعى بازاسىندا جىل بويى حالىقارالىق چەمپيوناتتارعا ارنالعان وقۋ- جاتتىعۋ لاگەرلەرى، رەسپۋبليكالىق چەمپيونات، پەداگوگتەرگە ارنالعان سالالىق كۋرستار وتكىزىلەدى، - دەدى مينيستر.
ەسكە سالساق، پرەزيدەنت جارلىعىمەن 2025-جىل جۇمىسشى ماماندىقتارىنىڭ جىلى دەپ جاريالانعان ەدى.
