20:28, 24 - قىركۇيەك 2024 | GMT +6
استانادا كوپقاباتتى ۇيلەرگە جىلۋ بەرىلىپ جاتىر
استانا. KAZINFORM - ەلوردادا جىلىتۋ ماۋسىمى باستالدى.
سىرتقى اۋا تەمپەراتۋراسىنىڭ تومەندەۋىن ەسكەرە وتىرىپ، اكىمدىك 2024-2025 -جىلىتۋ ماۋسىمىنىڭ باستالۋى تۋرالى قاۋلى قابىلدادى.
24-قىركۇيەكتەن باستاپ تۇرعىن ۇيلەرگە كەزەڭ-كەزەڭىمەن جىلۋ بەرۋ باستالدى.
بارلىق نىسانداردى تولىق قوسۋ ەكى- ءۇش كۇن ىشىندە جوسپارلانىپ وتىر.
بۇعان دەيىن الەۋمەتتىك نىساندار ولاردىڭ ءوتىنىمى بويىنشا (مەكتەپتەر، بالاباقشالار، ەمحانالار) جىلۋعا قوسىلعان بولاتىن.
«بۇگىنگى تاڭدا ورتالىقتاندىرىلعان جىلۋمەن جابدىقتاۋ جۇيەسىنە 139 الەۋمەتتىك نىسان (مەكتەپتەر، بالاباقشالار، ەمحانالار جانە باسقا) قوسىلعان»، - دەپ حابارلادى اكىمدىك.
