استانادا كارتوپ ساتۋعا قويىلعان شەكتەۋ الىنىپ تاستالدى - اكىمدىك
استانا. قازاقپارات – استانادا ءبىر ادامعا 5 كەلىگە دەيىن كارتوپ ساتۋعا قويىلعان شەكتەۋ الىنىپ تاستالدى. مۇنى قالا اكىمدىگى راستادى.
اكىمدىكتىڭ باسپا ءسوز قىزمەتى ينۆەستيتسيالار جانە كاسىپكەرلىكتى دامىتۋ باسقارماسىنا سىلتەمە جاساپ، قازىر استانادا كارتوپ ساتۋ بويىنشا شەكتەۋ جوق، قالادا ونىڭ تاپشىلىعى جوق ەكەنىن حابارلادى.
«ءونىم قالاداعى ساۋدا جەلىلەرى مەن بازارلاردىڭ سورەلەرىندە جەتكىلىكتى مولشەردە ۇسىنىلىپ، ولاردىڭ قورى ۋاقىتىندا تولىقتىرىلىپ وتىرادى»، - دەپ حابارلادى ۆەدومستۆو.
اكىمدىك كارتوپتى ساتۋ بويىنشا قويىلعان شەكتەۋدى 22-قاڭتاردا Small جانە Spar جەلىلەرىنىڭ اكىمشىلىگى ەنگىزگەنىن ەسكە سالدى.
«ولار بۇل شارانى دەلدالداردىڭ ءونىمدى ودان ءارى قايتا ساتۋ ءۇشىن كوتەرمە ساتىپ الۋىنا جول بەرمەۋ ءۇشىن ءوز بەتىنشە قابىلدادى، مىسالى، بارلىق Small جانە Spar ساۋدا جەلىلەرىندە كارتوپتىڭ كەلىسى 280 تەڭگەدەن ساتىلىپ جاتىر»، - دەپ حابارلادى اكىمدىكتىڭ باسپا ءسوز قىزمەتى.
ەسكە سالايىق، بۇعان دەيىن استانادا تانىمال ساۋدا جەلىسىنىڭ سۋپەرماركەتتەرىندە كارتوپ ساتىلىمىنا شەكتەۋ قويىلعان ەدى. قالاداعى سۋپەرماركەتتەردىڭ بىرىندە وسىعان قاتىستى حابارلاندىرۋ جاريالاندى. وندا ءبىرىنشى سۇرىپتى كارتوپتان ءبىر قولعا 5 كەلىدەن ارتىق بەرىلمەيتىنى ايتىلعان.
