استانادا جىلۋ بەرۋ قاشان توقتاتىلادى؟
استانا. KAZINFORM - استانا قالاسىنىڭ اكىمدىگىنىڭ حابارلاۋىنشا، اۋا تەمپەراتۋراسى 5 كۇن بويى 10 گرادۋس جىلى بولعان كەزدە جىلۋ بەرۋ وشىرىلەدى.
«جىلۋدى ءوشىرۋ ءۇشىن اۋانىڭ ورتاشا تاۋلىكتىك تەمپەراتۋراسى 10 + گرادۋس بولۋى كەرەك جانە جىلىتۋ ماۋسىمىنا دايىندىق جانە ونى وتكىزۋ ەرەجەلەرىنە سايكەس 5 كۇن بويى ساقتالۋى ءتيىس»، - دەلىنگەن قالا اكىمدىگى تاراتقان حابارلامادا.
جىلىتۋ ماۋسىمى رەسمي اياقتالعانعا دەيىن جەكەلەگەن وندىرىستىك نىساندار مەن زاڭدى تۇلعالاردىڭ عيماراتتارى (تۇتىنۋشىنىڭ ءوتىنىشى بويىنشا) ءوشىرىلۋى مۇمكىن ەكەنى اتاپ وتىلگەن. بۇل رەتتە كوپقاباتتى تۇرعىن ۇيلەر جوعارىدا اتالعان ەرەجەلەرگە سايكەس جىلۋ بەرۋ ماۋسىمى اياقتالعاننان كەيىن وشىرىلەدى. دەنساۋلىق ساقتاۋ جانە ءبىلىم بەرۋ نىساندارىنا كەلسەك، ولار تۇتىنۋشىنىڭ جازباشا ءوتىنىشى بويىنشا جىلۋ بەرۋ ماۋسىمىن ۇزارتا الادى.
