استانادا ءبىرىنشى رەت قازاق- تۇرىك تاعامدارىنىڭ جارمەڭكەسى ءوتتى
استانا. KAZINFORM - استانادا «تازا قازاقستان: استانا - تازالىق پەن ءتارتىپتىڭ ۇلگىسى» اۋقىمدى ەكولوگيالىق اكسياسى ءوتىپ جاتىر. ونىڭ اياسىندا استانادا قازاق- تۇرىك تاعامدارىنىڭ جارمەڭكەسى ءوتتى. بۇل تۋرالى ەلوردا اكىمدىگىنىڭ رەسمي سايتى جازدى.
ەكواكسيا بارىسىندا بايقوڭىر اۋدانى اكىمدىگىنىڭ باستاماسىمەن العاش رەت قازاق- تۇرىك تاعامدارىنىڭ جارمەڭكەسى ۇيىمداستىرىلدى.
جارمەڭكەگە تۇرىك ەلىنىڭ ايگىلى بورەكتەرى، سيميتتەرى جانە ىرىمشىك پيروگتارى ۇسىنىلدى. سونداي-اق تۇرعىندارعا باۋىرساق، قۇرت، ىرىمشىك، شاي تاراتىلدى.
اتاتۇرىك ساياباعىندا وتكەن جارمەڭكەگە تۇركيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى مۇستافا كاپۋچۋ جانە تۇركيانىڭ باسقا دا وكىلدەرى، سونداي-اق استانا قالاسى اكىمدىگىنىڭ باسشىلىعى، بايقوڭىر اۋدانىنىڭ بەلسەندى تۇرعىندارى مەن ەرىكتى جاستار قاتىستى.
ەستەرىڭىزگە سالا كەتەيىك، استانادا بۇل اپتالىق «كيەلى مەكەن» دەپ اتالادى. ونىڭ بارىسىندا قالا ەسكەرتكىشتەرى مەن ولاردىڭ ماڭايىندا اۋقىمدى تازالىق جۇمىستارى جۇرگىزىلىپ جاتىر.
«جاسىل ايماق» دەپ اتالاتىن ءۇشىنشى اپتا اعاش وتىرعىزۋ مەن كوشەتتەردى اكتەۋگە ارنالادى.
4-مامىرعا دەيىنگى كەزەڭ «ونەگەلى ۇرپاق» دەپ اتالىپ، ارداگەرلەردىڭ اۋلالارى مەن قارتتار ءۇيىنىڭ اۋماقتارىن تازالاۋ مەن اباتتاندىرۋعا ارنالادى.
«ءمولدىر بۇلاق» دەپ اتالاتىن سوڭعى، بەسىنشى اپتادا سۋ قويمالارىنىڭ اينالاسى - وزەن-كولدەر قوقىستان تازارتىلادى.
