استانادا بيىل 10 مىڭنان استام تۇلەك ۇ ب ت تاپسىرادى

استانا. KAZINFORM - بيىل ءبىرىڭعاي ۇلتتىق تەستىلەۋ بەس رەت وتكىزىلەدى. وعان 10 مىڭنان استام تۇلەك قاتىسادى. بۇل تۋرالى كوممۋنيكاتسيالار قىزمەتىندە وتكەن بريفينگتە استانا قالاسى ءبىلىم باسقارماسىنىڭ جالپى ورتا ءبىلىم بەرۋ مازمۇنى مەن ادىستەمەسى ءبولىمىنىڭ باسشىسى اسىل امانكەلديەۆا ايتتى.

باسقارمانىڭ مالىمەتىنشە، ۇ ب ت 18-قاڭتاردان 10-اقپانعا دەيىن؛ 1-31-ناۋرىز ارالىعىندا؛ 10-20-تامىز ارالىعىندا اقىلى وقۋعا؛ 16-مامىردان 5-شىلدەگە دەيىن گرانتقا تاپسىرا الادى.

وسىلايشا، ۇ ب ت-نىڭ 11132 تۇلەگىنىڭ 10870 ى تاپسىرادى. قاڭتاردان ناۋرىزعا دەيىن 10892 تۇلەك تەستىلەۋدەن ءوتتى.

ەستەرىڭىزگە سالا كەتەيىك، تالاپكەرلەر تەستىلەۋدى ەكى رەت تاپسىرا الادى، ەكى سەرتيفيكات تا جارامدى جانە ەڭ جاقسى ناتيجەمەن گرانتقا تالاسۋعا بولادى.

ايتا كەتۋ كەرەك، نەگىزگى ۇبت كەزەڭىندە تەستىلەۋ ورتالىقتارىندا قوعامدىق ءتارتىپتى قورعاۋ، ءورت قاۋىپسىزدىگى، جەدەل جاردەم كەزەكشىلىگى ۇيىمداستىرىلدى، سونداي-اق مەملەكەتتىك كوميسسيا مۇشەلەرى اۋىسىممەن جۇمىس جۇرگىزۋدە.

ءبىلىم باسقارماسى مۇگەدەك بالالارعا پسيحولوگتارمەن قامتاماسىز ەتۋدى جانە پەداگوگ-اسسيستەنتتەرمەن (ءپان مۇعالىمدەرى بولىپ سانالمايتىن) سۇيەمەلدەۋدى ۇيىمداستىردى.

اۆتور
باقىتگۇل اباي قىزى