استانادا بۇرشاقتان زارداپ شەككەندەر وتەماقىنى قالاي الا الادى؟
استانا. KAZINFORM - استاناداعى ۇركەر تۇرعىن ءۇي الابىندا بۇرشاقتان زارداپ شەككەندەرگە تولەم الۋ ءۇشىن قۇجاتتاردى قابىلداۋ باستالادى.
26-جانە 27-قىركۇيەكتە استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ ماماندارى تامىز ايىندا ۇيلەرى بۇرشاقتان زارداپ شەككەن ۇركەر تۇرعىن ءۇي الابىنىڭ تۇرعىندارىنان قۇجاتتاردى قابىلداۋدى باستايدى.
ءبىرجولعى وتەماقى الۋ ءۇشىن زارداپ شەككەن تۇرعىن ءۇيدىڭ بولۋىن راستايتىن ف-6 انىقتاماسىن ۇسىنۋ قاجەت جانە ءۇي وتباسىنداعى جالعىز جىلجىمايتىن مۇلىك وبەكتىسى بولۋى كەرەك.
قۇجاتتاردى جيناعاننان كەيىن ماماندار زاقىمدانۋدى راستاۋ ءۇشىن زارداپ شەككەن ۇيلەردى تەكسەرەدى. تەكسەرۋ قورىتىندىسى بويىنشا تولەمدەردى بەرۋ تۋرالى شەشىم قابىلدانادى.
قۇجاتتاردى قابىلداۋ 26-جانە 27-قىركۇيەكتە ساعات 9:00 دەن 18:00 گە دەيىن د ش س ك عيماراتىندا (213 ك.، 3- ءۇي) جۇزەگە اسىرىلادى.
