استانادا باسپانا باعاسىنىڭ كوتەرىلۋى الماتىداعى جەر سىلكىنىسىمەن بايلانىستى ما
استانا. KAZINFORM - ساراپشىلار الماتىعا قاراعاندا استانادا پاتەر باعاسىنىڭ كوتەرىلگەندىگىن ايتادى.
بۇل جەر سىلكىنىسىمەن بايلانىستى ما؟ وسى ساۋالعا قازاقستاننىڭ بىرىككەن ريەلتورلار قاۋىمداستىعى پرەزيدەنتىنىڭ كەڭەسشىسى نينا لۋكيانەنكو جاۋاپ بەردى.
«وكىنىشكە وراي، دۇربەلەڭگە ءتۇسۋ ەلەمەنتى قىسقا مەرزىمدى عانا بولادى. دەگەنمەن، ول قالاي دەگەندە دە باعاعا اسەرىن تيگىزەدى. ال جەر سىلكىنىسى ەلەسىنىڭ تولقىنى جان- جاقتى حابارلانىپ، ءتىپتى باسپا سوزدە اسىرا سىلتەۋ دە بولدى. ءدال وسى جايت كوپتەگەن ادامعا اسەر ەتىپ، ولاردىڭ قاۋپىن كۇشەيتە ءتۇستى. ءبىراق، سۇرانىس ساتىپ الۋشىنىڭ تولەم قابىلەتىنە، ناقتى شەشىمىنە بايلانىستى ەكەندىگىن ءتۇسىنۋ قاجەت. مەنىڭشە، مۇنداي قۇبىلىس قىسقا مەرزىمدى عانا»،- دەدى ول اگەنتتىك تىلشىسىنە بەرگەن سۇحباتىندا.
سونىمەن قاتار ول «تاياۋ ۋاقىتتا پاتەر باعاسى كوتەرىلۋى مۇمكىن بە» دەگەن ساۋالعا جاۋاپ بەردى.
«قازىرگى ۋاقىتتا مەندە ونداي ءۇمىت مۇلدەم جوق دەسەم دە بولادى. الايدا، تىڭعىلىقتى زەردەلەپ قاراساق، كوپتەگەن ساتىپ الۋشى مەن ساتۋشى قايتالاما نارىقتاعى باعانىڭ تومەن قاراي سىرعي تۇسكەنىن بايقار ەدى»، - دەدى ول.
ەستەرىڭىزگە سالا كەتسەك، رەسمي ستاتيستيكالىق دەرەكتەرگە سايكەس، ساۋىردە استاناداعى پاتەر باعاسى الماتىدان اسىپ تۇسكەن بولاتىن.
