استانادا بالالاردى بالاباقشا توپتارىنا جيناقتاۋ قاشان باستالاتىنى بەلگىلى بولدى
استانا. KAZINFORM - ەلوردادا مەكتەپكە دەيىنگى ءبىلىم بەرۋ مەكەمەلەرىندە 2025-2026 جاڭا وقۋ جىلىنا ارنالعان توپتاردى جيناقتاۋ جۇمىستارى باستالدى، دەپ حابارلايدى ەلوردا اكىمدىگىنىڭ رەسمي سايتى.
بۇل تۋرالى استانا قالاسىنىڭ كوممۋنيكاتسيالار قىزمەتىنىڭ الاڭىندا وتكەن باسپا ءسوز كونفەرەنتسياسىندا استانا قالاسى ءبىلىم باسقارماسى باسشىسىنىڭ ورىنباسارى سەرىك ادىلبايەۆ مالىمدەدى.
قازىرگى ۋاقىتتا ەلوردادا 653 مەكتەپكە دەيىنگى ۇيىم جۇمىس ىستەيدى. ونىڭ ىشىندە 99 ى - مەملەكەتتىك، 551 ءى - جەكەمەنشىك، 3 ەۋى - ۆەدومستۆولىق بالاباقشا. بارلىعى 66281 بالا مەكتەپكە دەيىنگى تاربيە مەن وقىتۋمەن قامتىلعان.
2025-جىلدىڭ 1-شىلدە ايىنان باستاپ استانا قالاسىندا بالاباقشالاردى توپتاستىرۋ جۇمىستارى باستالادى. بۇل رەتتە 2 جاستان 5 جاسقا دەيىنگى بالالار ءۇشىن 15 مىڭنان استام بوس ورىن قاراستىرىلىپ وتىر.
وسى جىلدىڭ قاڭتار ايىنان باستاپ استانا قالاسىندا ۆاۋچەرلىك قارجىلاندىرۋ جۇيەسى نەگىزىندە مەكتەپكە دەيىنگى ۇيىمدارعا بالالاردى قابىلداۋعا ارنالعان پيلوتتىق جوبا ىسكە قوسىلدى. بۇل ارقىلى اتا-انالار بالاباقشالاردى تاڭداپ، بالاسىن ونلاين تۇردە ورنالاستىرۋ مۇمكىندىگىنە يە بولدى. جىل باسىنان بەرى 6703 بالاعا ۆاۋچەر بەرىلىپ، بالاباقشالارعا قابىلداندى.
جاڭا جۇيەنىڭ ارقاسىندا بالاباقشا كەزەگى 40 مىڭنان 30 مىڭعا دەيىن قىسقاردى. ۆاۋچەرلەردى ءبولۋ كەزەگى 1-شىلدەدە جاڭارتىلادى.
اتا-انالار INDIGO جۇيەسىندە ءوز جەكە كابينەتتەرىنە كىرىپ، ءوتىنىشتىڭ كەزەكتە تۇرعانىن تەكسەرۋى، بالانىڭ قۇجاتتارىن دايىنداپ قويۋى جانە ed24.kz موبيلدى قوسىمشاسىندا تىركەلۋى ءتيىس. بالاباقشاعا قاجەتتى مەديتسينالىق قۇجاتتاردى الدىن الا دايىنداپ قويعان ءجون. بۇل بالاباقشالارعا قابىلداۋ ۇدەرىسىن جەدەلدەتەدى.
20-ماۋسىمنان باستاپ INDIGO پورتالىندا ۆاۋچەر بەرۋ، بالاباقشاعا قابىلداۋ جانە ورىن اۋىسىۋ، كۇتۋ پاراقتارىنىڭ جۇمىسى ۋاقىتشا توقتاتىلدى. 20-30-ماۋسىم ارالىعىندا بالاباقشالار بالالاردى مەكتەپكە شىعارىپ، جاڭا توپتارعا دايىندىق جۇرگىزەدى. 1-شىلدە كۇنى ساعات 18:00 دە جۇيە جاڭارتىلىپ، ۆاۋچەرلەر مەن قابىلداۋ پروتسەسى قايتا ىسكە قوسىلادى.
بالالاردى بالاباقشاعا قابىلداۋ كەزىندە تومەندەگى ماڭىزدى تالاپتارعا نازار اۋدارۋلارىڭىزدى سۇرايمىز:
ەگەر بالاباقشادا ەكپەسى جوق بالالاردىڭ ۇلەسى %10 دان اسسا، مەكەمە ەپيدەميولوگيالىق قاۋىپسىزدىككە بايلانىستى قوسىمشا ەكپەسى جوق بالانى قابىلداۋدان مىندەتتى تۇردە باس تارتۋى ءتيىس. قابىلداۋدان دالەلدى باس تارتۋ قر وقۋ- اعارتۋ ءمينيسترىنىڭ 372-بۇيرىعىمەن قاتاڭ رەتتەلەدى، بۇل نورمادان تىس شەشىم قابىلداۋعا جول بەرىلمەيدى. ەگەر وتىنىمدە قاتە قۇجاتتار تىركەلسە، بالاباقشا ونى «yndigo» جۇيەسى ارقىلى اتا-اناعا قايتا پىسىقتاۋعا جىبەرەدى. قابىلداۋ پروتسەسى توقتامايدى، قۇجاتتار تۇزەتىلگەن سوڭ قايتا ەنگىزىلەدى.
قالانىڭ بارلىق 6 اۋدانىندا قوسىمشا كەڭەس بەرۋ پۋنكتتەرى اشىلدى. قازىرگى تاڭدا 7 مىڭنان استام اتا-انا مەن بالاعا كەڭەس بەرىلدى. بۇل پۋنكتتەردە ۆاۋچەر كەزەگىنە تۇرۋ، ورىن الۋ، بالاباقشامەن كەلىسىمشارت جاساۋ ماسەلەلەرى بويىنشا ناقتى كومەك كورسەتىلۋدە.
جيناقتاۋ پروتسەسىنىڭ بارىنشا اشىقتىعىن قامتاماسىز ەتۋ ماقساتىندا اقپاراتتىق جۇيەدە اتا-انالارعا ارنالعان «ورىنداردى بوساتۋ حاتتاماسى» جانە «جولدامالاردى بەرۋ حاتتاماسى» سەكىلدى اشىق دەرەكتەر قولجەتىمدى. بارلىق اقپارات ءبىلىم باسقارماسىنىڭ رەسمي سايتىندا جانە ed24.kz قوسىمشاسىندا ورنالاستىرىلعان.
INDIGO ەلەكتروندى جۇيەسى ارقىلى ارنايى توپتارعا، بالاباقشالارعا جولداما الۋ مۇمكىندىگى دە قاراستىرىلعان.
قوسىمشا اقپارات جانە كەڭەس الۋ ءۇشىن: ed24.kz ءموبيلدى قوسىمشاسىنا كىرە الاسىز، INDIGO جۇيەسىندەگى جەكە كابينەتىڭىزدى پايدالانا الاسىز نەمەسە ءبىلىم باسقارماسىنىڭ رەسمي سايتىن قاراۋعا بولادى. سونداي-اق، كەڭەس بەرۋ پۋنكتەرىنىڭ مەكەنجايلارى دا رەسمي سايتتا كورسەتىلگەن.
بۇعان دەيىن زەرەندىدە بالالار مەن جاس وسپىرىمدەر سپورت مەكتەبى اشىلعانىن جازعان ەدىك.
