استانادا اتاقتى «ادەمى حانشايىم» كارتيناسىن 10 كۇندە 7 مىڭعا جۋىق ادام تاماشالادى
استانا. قازاقپارات - «La Bella Principessa» كارتيناسىن ءوز كوزىمەن كورۋ ءۇشىن استاناعا ەلىمىزدىڭ ءار وڭىرىنەن اعىلعان ادامدار از بولمادى. ولار ءتۇرلى ينتەرنەت- رەسۋرستار ارقىلى كارتينادان العان اسەرىن جارىسا ءبولىسىپ جاتىر.
ق ر ۇلتتىق مۋزەيىنىڭ باسپا ءسوز قىزمەتىنىڭ مالىمەتىنشە، لەوناردو دا ۆينچيدىڭ بىرەگەي تۋىندىسىن وسى ۋاقىتقا دەيىن 6772 ادام تاماشالاپ ۇلگەرگەن. كوبىنە ەرەسەكتەر (3727 ادام)، شەتەلدىكتەر (1017 ادام) جانە مەكتەپ وقۋشىلارى (764 ادام) كورۋگە مۇمكىندىك العان.
وسكەمەندىك سۋرەتشى وكسانا قالياكپەروۆانىڭ ايتۋىنشا، ەرەكشە سەزىم سىيلايتىن سۋرەتتى كورۋگە ۇمتىلۋ كەرەك.
«لەوناردو دا ۆينچيدىڭ تۋىندىسى استاناعا كەلۋىمە تۇرتكى بولدى. قازاقستاننىڭ مادەنيەتىن كوتەرىپ، ۇلى ونەرمەن، ۇلى سۋرەتشىمەن ارالاسۋعا مۇمكىندىك بەرگەن ۇيىمداستىرۋشىلارعا ريزامىن. بولمە مۋزىكالىق جانە كورنەكى سۇيەمەلدەۋمەن بەزەندىرىلگەن ەكەن. تۋىندىنىڭ ەرەكشە اسەر ەتكەنى سونشالىق، ءبىر ءسات ليفتپەن كوتەرىلىپ بارا جاتقانداي اسەردە بولدىم. الەۋمەتتىك جەلىدە كورگەنىمىز بەن بولمەدە كورگەنىمىز مۇلدە باسقا. بارۋعا تۇرارلىق دۇنيە»، - دەيدى وكسانا قالياكپەروۆا.
ايتا كەتەيىك، مۇندا 23-ماۋسىم كۇنى تاڭەرتەڭ ولگا باتۋرينانىڭ لەوناردو دا ۆينچيدىڭ ونەرى تۋرالى لەكسياسى وتەدى. تولىق اقپارات الۋ ءۇشىن ق ر ۇلتتىق مۋزەيىنە حابارلاسۋعا بولادى.
ەستەرىڭىزگە سالساق، بۇعان دەيىن قازاقستاندا العاش رەت لەوناردو دا ۆينچيدىڭ «ادەمى حانشايىم» كارتيناسى كوپشىلىك نازارىنا ۇسىنىلعانىن جازعان ەدىك.
