استانادا الەۋمەتتىك نىساندارعا جىلۋ بەرىلە باستادى
استانا. KAZINFORM - ەلوردادا 139 الەۋمەتتىك نىسان ورتالىقتاندىرىلعان جىلمەن جابدىقتاۋ جۇيەسىنە قوسىلدى.
«قالا ءماسليحاتىنىڭ شەشىمىمەن بەكىتىلگەن استانادا جىلىتۋ ماۋسىمىن دايىنداۋ جانە وتكىزۋ قاعيدالارىنا سايكەس، ەلوردادا جىلىتۋ ماۋسىمى سىرتقى اۋانىڭ بەلگىلەنگەن ورتاشا تاۋلىكتىك تەمپەراتۋراسى +10°c جانە ودان تومەن بولعاندا بەس تاۋلىك ىشىندە باستالادى. الايدا، الەۋمەتتىك نىسانداردى جىلۋعا قوسۋ ولاردىڭ وتىنىمدەرى بويىنشا جىلىتۋ ماۋسىمى باستالعانعا دەيىن ورىندالادى. بۇگىنگى تاڭدا ورتالىقتاندىرىلعان جىلۋمەن جابدىقتاۋ جۇيەسىنە 139 الەۋمەتتىك نىسان (مەكتەپتەر، بالاباقشالار، ەمحانالار جانە ت. ب. ) قوسىلعان»، - دەلىنگەن قالالىق اكىمدىكتىڭ Facebook پاراقشاسىندا جاريالانعان اقپاراتتا.
وسىعان دەيىن استانادا توزىعى جەتكەن جىلۋ جۇيەسى جاڭعىرتىلىپ جاتقانىن جازعان ەدىك.
