استانادا 59 جاستاعى ەر ادام مەشىتتى زاڭسىز سالىپ العان

Фото: pixabay.com
Фото: pixabay.com

استانا. KAZINFORM - استانادا ءدىني قىزمەت تۋرالى زاڭنامانى بۇزعان تۇرعىن جاۋاپقا تارتىلدى، - دەپ حابارلايدى Polisia.kz.

ءدىني بىرلەستىكتىڭ زاڭسىز قىزمەتى تۋرالى حابار «102» ارناسى ارقىلى تۇسكەن. قابىلدانعان قوڭىراۋدىڭ جەلىسىمەن استانالىق پوليتسەيلەر قۇمبەل كوشەسىندەگى جەكە ۇيگە جالعاساتىن عيمارات مەشىت رەتىندە جابدىقتالعانىن انىقتاعان. تەكسەرۋ بارىسىندا بولمەدەن ءدىني ادەبيەتتەر، تاقتاداعى نامازحانا جانە ناماز ۋاقىتتارى تابىلىپ، بولمەدە ادامداردىڭ جينالىپ جاتقانى بەلگىلى بولعان.

سوت وتىرىسى بارىسىندا مەشىت قالادا تىركەلگەن ءدىني عيماراتتار تىزىمىندە بولماعاندىقتان، زاڭسىز جۇمىس ىستەگەن بولىپ شىققان.

قازاقستان رەسپۋبليكاسىنىڭ ءدىني قىزمەت تۋرالى زاڭناماسىن بۇزعانى ءۇشىن 59 جاستاعى ەلوردا تۇرعىنى كىنالى دەپ تانىلىپ، زاڭسىز ارەكەتىن توقتاتا وتىرىپ، 184600 تەڭگە كولەمىندە ايىپپۇل تۇرىندە اكىمشىلىك جازاعا تارتىلدى.

سوڭعى جاڭالىقتار