استاناعا ماكرون مەن وربان كەلەدى، تۇركى مەملەكەتتەرى ۇيىمىنىڭ سامميتى وتەدى

 بيىلعى 1-قاراشادا مەملەكەت باسشىسى قاسىم-جومارت توقايەۆتىڭ شاقىرۋىمەن فرانسيا پرەزيدەنتى ەممانيۋەل ماكرون قازاقستانعا رەسمي ساپارمەن كەلەدى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ. 

ساپار اياسىندا ەكى ەل باسشىلارى ساۋدا-ەكونوميكالىق، ينۆەستيسيالىق جانە ەنەرگەتيكالىق ىنتىماقتاستىقتى نىعايتۋ ماسەلەلەرى جونىندە كەلىسسوز جۇرگىزەدى. سونداي-اق، حالىقارالىق جانە وڭىرلىك كۇن تارتىبىندەگى ماسەلەلەردى تالقىلايدى.

2-قاراشادا استانا قالاسىنا ماجارستان پرەمەر-ءمينيسترى ۆيكتور وربان رەسمي ساپار جاسايدى.

ساپار بارىسىندا تاراپتار قازاقستان مەن ماجارستاننىڭ ساۋدا-ەكونوميكالىق، ينۆەستيسيالىق جانە مادەني-گۋمانيتارلىق سالالارداعى ىقپالداستىعىن ودان ءارى كەڭەيتۋگە قاتىستى كەلىسوز جۇرگىزەدى دەپ جوسپارلانىپ وتىر.

3-قاراشادا ەلوردادا تۇركى مەملەكەتتەرى ۇيىمىنىڭ (ت م ۇ) مەرەيتويلىق X سامميتى وتەدى.

جيىنعا تۇركى مەملەكەتتەرى ۇيىمىنا مۇشە ەلدەر - ازەربايجان، قىرعىزستان، تۇركيا، وزبەكستان پرەزيدەنتتەرى، سونداي-اق ت م ۇ-عا باقىلاۋشى مەملەكەتتەر - ماجارستان مەن تۇرىكمەنستان باسشىلارى قاتىسادى.