استانا تۇرعىنى LRT باعانىنا اسىلىپ قالدى
استانا. KAZINFORM - تاڭەرتەڭ ەلوردادا سالىنىپ جاتقان LRT قۇرىلىسى الاڭىندا ەر ادامنىڭ اسىلىپ قالعان مۇردەسى تابىلدى. بۇل اقپاراتتى قالالىق پوليتسيا دەپارتامەنتىنىڭ باسپا ءسوز قىزمەتى راستادى.
«102 جەلىسىنە جۇمەكەن ناجىمەدەنوۆ كوشەسىندەگى قۇرىلىس وبەكتىسىندە ەر ادامنىڭ اسىلىپ قالعانى تۋرالى حابار ءتۇستى. پوليتسيا قىزمەتكەرلەرى 38 جاستاعى ازاماتتىڭ جەكە باسىن انىقتادى. اتالعان فاكتى بويىنشا قىلمىستىق ءىس قوزعالدى، قازىر تەرگەۋ امالدارى ءجۇرىپ جاتىر. ءىستىڭ ءمان-جايى انىقتالۋدا»، - دەلىنگەن حابارلامادا.
ەسكە سالا كەتەيىك، قىركۇيەك باستالعالى ەلىمىزدىڭ بىرنەشە وڭىرىندە سۋيتسيد جاعدايى تىركەلدى. اتاپ ايتساق، 10-قىركۇيەكتە اقمولا وبلىسىندا ءورت ءسوندىرۋشى سۋيتسيد جاسادى.
16-قىركۇيەكتە الماتىدا كوپقاباتتى ۇيدەن قۇلاعان ەكى جاس ءوسپىرىم كوز جۇمدى.
ودان بولەك، 22-قىركۇيەك كۇنى الماتىدا ۇلتتىق قاۋىپسىزدىك كوميتەتىنە قاراستى شەكارا اكادەمياسىنىڭ كۋرسانتى كوز جۇمدى.
بەلگىلى بولعانداي، تۇنگى ۋاقىتتا 19 جاستاعى جىگىت الماتىداعى دوستىق داڭعىلىنداعى كوپقاباتتى ۇيدەن سەكىرىپ كەتكەن. بۇل فاكتى بويىنشا مەدەۋ اۋداندىق پوليتسيا ءبولىمى قىلمىستىق ءىس قوزعادى.
تاعى ءبىر قايعىلى جاعداي 23-قىركۇيەكتە الماتى قالاسىندا بولدى. جاس جىگىت كوپقاباتتى ۇيدەن سەكىرىپ كەتكەن.
