استانا قالاسىنىڭ زەينەتكەرلەرى شيپاجايعا جولدامانى قالاي الا الادى

استانا. قازاقپارات - 2025 -جىلى استانادا 6 مىڭنان استام زەينەتكەر ساناتورلى- كۋرورتتىق ەم الۋعا مۇمكىندىك الادى. جەڭىلدىكپەن بەرىلەتىن جولدامانىڭ الۋ جولدارىن جۇمىسپەن قامتۋ جانە الەۋمەتتىك قورعاۋ باسقارماسى ءتۇسىندىردى.

رەسمي دەرەكتەرگە سايكەس 2024 -جىلى 5467 زەينەتكەرلەرگە ەم شارالارىن الۋ ۇسىنىلعان.

ساناتورلى- كۋرورتتىق ەم الۋعا قۇقىلى تۇلعالار:

استانادا تىركەلگەن جانە تۇراتىن جاسىنا بايلانىستى زەينەتكەرلەر؛

ەڭ تومەنگى مولشەردەگى زەينەتاقى الاتىندار؛

ەكىنشى دۇنيەجۇزىلىك سوعىس ارداگەرلەرى، باسقا مەملەكەتتەر اۋماعىنداعى جاۋىنگەرلىك ءىس- قيمىلدارعا قاتىسقاندار جانە ولارعا تەڭەستىرىلگەن تۇلعالار، تىل ەڭبەككەرلەرى، 1986 -جىلعى جەلتوقسان وقيعالارىنىڭ قاتىسۋشىلارى اراسىنداعى ساياسي قۋعىن- سۇرگىن قۇرباندارى.

ساناتورلى- كۋرورتتىق ەمدەلۋ قاجەت دەپ تانىلعان مۇمكىندىگى شەكتەۋلى جاندار تولەمنەن بوساتىلادى.

2025 -جىلى قولجەتىمدى ءۇش ساناتوري بار:

«ZarI» (تۇركىستان وبلىسى، سارىاعاش اۋدانى)؛

«ايشا- ءبيبى» (تاراز قالاسى)؛

«قاتاركول» (اقمولا وبلىسى، بۋراباي اۋدانى).

سونداي- اق birge.astana.kz سايتى ارقىلى ونلاين ءوتىنىش بەرە الاسىز، ە س ق (ەلەكتروندىق سيفرلىق قولتاڭبا) قاجەت.

قولجەتىمدى كۇندى تاڭداۋ كەرەك. جولدامالار ساناتوريلەرمەن كەلىسىلگەن ناقتى ورنالاستىرۋ كۇندەرى بويىنشا بەرىلەدى. قازىرگى ۋاقىتتا كەزەك جوق.

«قاتاركول» ساناتوريى بويىنشا قابىلداۋ كۇنتىزبەسى:

ناۋرىز، ءساۋىر، مامىر - 3 -اقپاننان باستاپ؛

ماۋسىم، شىلدە، تامىز - 2 -مامىردان باستاپ؛

قىركۇيەك، قازان، قاراشا، جەلتوقسان - 1-تامىزدان باستاپ.

كەزەككە جازىلعاننان كەيىن، جولداما 15 كۇن قالعاندا بەرىلەدى.

مەكەنجاي: استانا قالاسى بەيبىتشىلىك كوشەسى، 9.

وزىمەن بىرگە ەمحانا بەرگەن ساناتورلى-كۋرورتتىق كارتا كوشىرمەسىن الا بارۋ قاجەت.

ماڭىزدى ەسكەرتۋ: جولدامانى باسقا تۇلعاعا بەرۋگە تىيىم سالىنادى.