استانا اۋەجايىندا ءتارتىپ بۇزعان ەر ادام ءۇش باپ بويىنشا جاۋاپكەرشىلىككە تارتىلدى
استانا. KAZINFORM - استانا اۋەجايىندا ماس جولاۋشى بىردەن ءۇش باپپەن اكىمشىلىك جاۋاپكەرشىلىككە تارتىلدى، - دەپ حابارلايدى Massaget.kz ءتىلشىسى.
ءى ءى م مالىمەتىنشە، وقيعا استانا-الماتى باعىتىنداعى اۋە رەيسىنىڭ جولاۋشىلارىن تەكسەرۋ كەزىندە بولدى. الماتى قالاسىنىڭ 38 جاستاعى تۇرعىنى ماساڭ كۇيدە قوعامدىق ورىندا بالاعات سوزدەر ايتىپ، تەكسەرۋ قىزمەتى قىزمەتكەرلەرىنىڭ ەسكەرتۋىنە قۇلاق اسپاعان.
ءمان-جايدى انىقتاۋ بارىسىندا ەر ادام بيلىك وكىلدەرىنىڭ زاڭدى تالاپتارىن ورىنداماعان. الايدا قارسىلىق تانىتقانىنا قاراماستان، قۇقىقبۇزۋشى ۇستالىپ، پوليتسيا بولمەسىنە جەتكىزىلدى. ۇستالعان ادام ىشىمدىك ىشكەنى جانە قوعامدىق ورىندارعا ماساڭ كۇيىندە كەلگەنى، قۇقىق قورعاۋ ورگانى قىزمەتكەرىنىڭ زاڭدى وكىمىنە نەمەسە تالابىنا باعىنباعانى ءۇشىن بىردەن ءۇش باپپەن اكىمشىلىك جاۋاپكەرشىلىككە تارتىلىپ، وعان 5 ا ە ك مولشەرىندە ايىپپۇل سالىندى.
ۇساق بۇزاقىلىق پەن باعىنباۋ بويىنشا ماتەريالدار شەشىم شىعارۋ ءۇشىن سوتقا جولداندى. ءدال وسى ادام بۇعان دەيىن ءبىر جىل ىشىندە ۇساق بۇزاقىلىق جاساعانى ءۇشىن اكىمشىلىك جاۋاپكەرشىلىككە تارتىلعان بولاتىن.
ايتا كەتەيىك، جىل باسىنان بەرى كولىكتەگى پوليتسيا دەپارتامەنتى قىزمەتكەرلەرى ءتۇرلى اكىمشىلىك قۇقىقبۇزۋشىلىقتار جاساعانى ءۇشىن 26330 قۇقىقبۇزۋشىنى انىقتاپ، جاۋاپقا تارتقان بولاتىن.
