استانا اۋەجايىنان اتىراۋعا رەيس ۇيىمداستىرىلادى

  ق ر كولىك ءمينيسترى مارات قارابايەۆ ەلوردا اۋەجايىنا بارىپ، اتىراۋعا ءبىر رەيس ۇشىرىلاتىنىن، سول ارقىلى جاقىن ماڭداعى قالالارعا جەتۋگە بولاتىنىن ايتتى، دەپ حابارلايدى Kazinform.

جولاۋشىلارمەن كەزدەسۋىندە مينيستر شامامەن 03:30 دا استانادان اتىراۋعا رەيس ۇيىمداستىرىلاتىنىن ايتتى.

«اتىراۋعا ۇشاتىن جولاۋشىلار ءۇشىن ارنايى قىزمەتكەردى بەكىتتىك، سول قىزمەتكەر ارقىلى پىسىقتاۋعا بولادى. اتىراۋدان جاقىن ماڭداعى قالالارعا اۆتوبۋسپەن جەتۋگە بولادى، تراسسا اشىق. اۆتوبۋس جاعىن ۇيىمداستىرامىز. قازىر «قازاۆتوجول» ۇ ق» اكسيونەرلىك قوعامىنا جولداردى تازالاۋ تۋرالى تاپسىرما بەردىك»،-دەيدى مينيستر.

ونىڭ ايتۋىنشا، جولاۋشىلارعا قوناق ءۇي قاراستىرىلعان جوق، ويتكەنى ۋاقىت تىعىز جانە قوناق ءۇي مەن اۋەجاي اراسىندا تاسىمالداپ ۇلگەرمەيدى.

«مەنىڭ شەشكەن ماسەلەم وسى. كۇتۋگە تۋرا كەلەدى. باسقا امال جوق»،-دەدى مارات قارابايەۆ.