استانا اۋەجايى 8,3 ميلليونىنشى جولاۋشىنى قارسى الدى
استانا. KAZINFORM - كەشە استانا حالىقارالىق اۋەجايى ءوزىنىڭ 8,3 ميلليونىنشى جولاۋشىسىنا قىزمەت كورسەتتى. بۇل - 2024-جىلعى رەكوردتىق كورسەتكىش، استانا اۋەجايى ءۇشىن دە تاريحي وقيعا.
اۋەجايدىڭ باسپا ءسوز قىزمەتى حابارلاعانداي، 8,3 ميلليونىنشى جولاۋشىسى LO195 رەيسىمەن ۆارشاۆا-استانا باعىتىمەن ۇشىپ كەلدى.
- استانا حالىقارالىق اۋەجايى جىلدان-جىلعا الەمدىك اۆياتسيالىق قوعامداستىقتا ءوز ماڭىزدىلىعىن دالەلدەپ كەلە جاتىر. 2024-جىلى ءبىزدىڭ اۋەجايدان سەۋل، گوا، فۋكۋوك، پحۋكەت، ابۋ-دابي، سيانۋكۆيلل، ميلان، پراگا جانە مينەرالدى سۋلارعا تۇراقتى رەيستەر اشىلىپ، جاڭارتىلدى. وتكەن جىلى ءبىز 7,5 ميلليون جولاۋشىعا قىزمەت كورسەتسەك، بيىل جولاۋشىلار اعىنىنىڭ ءوسىمى %10 قۇراپ، 8,3 ميلليونعا جەتتى، - دەدى استانا حالىقارالىق اۋەجايىنىڭ باسقارما ءتوراعاسى يۋسۋف الجاۆدەر.
استانا اۋەجايىنان ورتا ەسەپپەن 200 دەن استام رەيس ۇشىرىلادى. بۇل قازاقستاننىڭ باس قالاسىنا تۋريستىك جانە ىسكەرلىك باعىت رەتىندە قىزىعۋشىلىقتىڭ ارتىپ كەلە جاتقانىن كورسەتەدى.
ايتا كەتەيىك، بۇگىن 60 مىڭ جولاۋشى جاڭا جىلدى پويىزدا قارسى الدى.
