استانادا ل ر ت قاشان ىسكە قوسىلاتىنى بەلگىلى بولدى

- باستاپقى كەزەڭدە جولاۋشىلار اعىنى 25-45 مىڭ ادام شاماسىندا بولادى دەپ بولجاپ وتىرمىز، - دەدى اسىلبەك دۇيسەبايەۆ.

سونداي-اق ول ستانسيالاردا كوممەرتسيالىق نىساندار ورنالاستىرۋ قاراستىرىلماعانىن ايتتى. ونىڭ سوزىنشە، بۇل شەشىم تەحنولوگيالىق جانە ءورت قاۋىپسىزدىگى تالاپتارىنا بايلانىستى قابىلدانعان.

ايتا كەتەيىك، بۇعان دەيىن استانا اكىمى جەڭىس قاسىمبەك LRT جەلىسىندەگى سىناق جۇمىستارى اياقتالىپ، جۇيە پايدالانۋعا دايىن ەكەنىن حابارلاعان ەدى. 

استانادا جۋرناليستەرگە LRT ۆاگوندارى تانىستىرىلدى.

قىتايدا قۇراستىرىلعان ۆاگوندار ەلوردانىڭ كليماتتىق ەرەكشەلىكتەرىنە بەيىمدەلىپ جاسالعان. ولار بيىل قىستا اۋا تەمپەراتۋراسى 30- گرادۋسقا دەيىن تومەندەگەن كەزدە سىناقتان وتكىزىلگەن.

«City Transportation Systems» ج ش س باسقارما ءتوراعاسى اسىلبەك دۇيسەبايەۆتىڭ ايتۋىنشا، ۆاگونداردى ازىرلەۋ كەزىندە شۋ دەڭگەيىن تومەندەتۋگە ەرەكشە نازار اۋدارىلعان.

- قازاقستان تاراپىنىڭ تالابى بويىنشا شۋدى بارىنشا ازايتۋ ءۇشىن ۆاگون قابىرعالارى قالىڭداۋ ەتىپ جاسالدى. سونىڭ ارقاسىندا پويىزدىڭ ءىشى دە، سىرتى دا وتە تىنىش. بۇل ءۇشىن ارنايى رەزەڭكە ماتەريالدار پايدالانىلدى، - دەدى ول ءبىرىڭعاي ديسپەتچەرلىك ورتالىقتى ارالاۋ كەزىندە.

ونىڭ مالىمەتىنشە، ءبىر قۇرامنىڭ ۇزىندىعى 60 مەتر. بيىكتىگى - 3,8 مەتر، ال ەنى - 2,8 مەتر. ءار قۇرام ءتورت ۆاگوننان تۇرادى جانە 600 دەن استام جولاۋشىنى تاسىمالداۋعا مۇمكىندىك بەرەدى.

سونداي-اق، LRT- نىڭ ورتاشا جىلدامدىعى ساعاتىنا 50-60 شاقىرىم بولادى دەپ جوسپارلانىپ وتىر.

- پويىزدار ارالىعى شامامەن 5-6 مينۋت. ال ۇزىندىعى 22 شاقىرىم بولاتىن باعىتتى جولاۋشىلار 40 مينۋت شاماسىندا ءجۇرىپ وتە الادى، - دەدى كومپانيا باسشىسى.

بۇعان دەيىن استانا اكىمى جەڭىس قاسىمبەك LRT جەلىسىندەگى سىناق جۇمىستارى ءىس جۇزىندە اياقتالىپ، جۇيە تولىقتاي پايدالانۋعا دايىن ەكەنىن مالىمدەگەن ەدى.