استانا تۇرعىنى جالعان چەكپەن بازاردان تاۋار الىپ جۇرگەن

تەرگەۋ كەزىندە انىقتالعانداي، كۇدىكتى ساۋدا ورىندارىن ادەيى ارالاپ، ءوزىن قاراپايىم ساتىپ الۋشى رەتىندە تانىستىرعان. كوكونىس پەن جەمىس-جيدەك تاڭداعان سوڭ، اقشانى موبيلدى قوسىمشا ارقىلى اۋدارعانداي كەيىپ تانىتىپ، قولدان جاسالعان تولەم چەگىن كورسەتكەن. اقشا شوتقا ءتۇستى دەپ سەنگەن ساتۋشىلار تاۋاردى كۇدىكتىگە ءوز قولىمەن بەرگەن.

- بۇل - ونىڭ العاشقى الاياقتىعى ەمەس. كۇدىكتى بۇعان دەيىن دە ءدال وسىنداي ايلامەن بىرنەشە ساۋداگەردى الداعانى انىقتالدى. قازىرگى ۋاقىتتا ونىڭ وزگە دە وسىعان ۇقساس قىلمىستارعا قاتىسى بار-جوعى تەكسەرىلىپ جاتىر، - دەپ حابارلادى پوليتسيا.

اتالعان فاكتى بويىنشا سوتقا دەيىنگى تەرگەۋ جۇرگىزىلىپ جاتىر.

پوليتسيا ساۋداگەرلەر مەن كاسىپكەرلەرگە تولەمنىڭ ناقتى بانك شوتىنا تۇسكەنىنە كوز جەتكىزبەيىنشە، تاۋاردى ساتىپ الۋشىعا بەرمەۋدى ەسكەرتتى.