نۇر-سۇلتان اۋەجايىندا Ashyq: «قىزىل» ستاتۋستار، جولاۋشىلار جاۋاپكەرشىلىگى جانە ايىپپۇل كولەمى
قالا تۇرعىندارى مەن قوناقتارى كەزەك تۋىنداتپاي، QR كودىن ءوز سمارتفونىمەن سكانەرلەيدى. جولاۋشىلاردى Ashyq قوسىمشاسى بويىنشا عيماراتقا كىرۋگە كومەكتەسەتىن اۋەجاي قىزمەتكەرلەرى قارسى الادى.
«ءبىز كۇنىنە 10 مىڭ ادامعا دەيىن تەكسەرەمىز. باستى نازار تاڭەرتەڭگى جانە تۇستەن كەيىنگى رەيستەرگە اۋدارىلادى. 12-مامىردان 30-مامىرعا دەيىن «قىزىل» جانە «سارى» مارتەبەسى بار 160 جولاۋشى انىقتالدى. بارلىق جولاۋشىلاردان سمارتفونعا قوسىمشانى جۇكتەۋ ارقىلى ءوز ستاتۋسىن الدىن الا انىقتاۋدى سۇرايمىز. اۋەجاي سايتىنىڭ باستى بەتىندە QR كود ورنالاسقان، سونى سكانەرلەپ، مارتەبەڭىزدى بىلە الاسىز»، - دەدى اۋەجايدىڭ باسپا ءسوز حاتشىسى ءانۋار شالەكەنوۆ.
ونىڭ ايتۋىنشا، اۋەجايعا كۇتىپ الۋعا نەمەسە شىعارىپ سالۋعا كەلگەندەر نەمەسە جولاۋشىلار قوسىمشانى قولدانۋدى ايتارلىقتاي ۇيرەنگەن.
«ستاتيستيكاعا سايكەس، ءوز دەنساۋلىعىنا بەي- جاي قارامايتىن قارت ادامداردا ۇلكەن جاۋاپكەرشىلىك بايقالادى، بۇل ءبىزدى قۋانتادى. 12-مامىردان بەرى ۇزىن-سونار كەزەك بولعان جوق. قازاقستاندىقتار اۋەجاي عيماراتىنا تەك Ashyq جۇيەسىمەن كىرۋگە ۇيرەنىپ قالعان. ءبىز - قازاقستان بويىنشا بۇل جۇيەنى ەنگىزگەن العاشقى اۋەجايمىز. قازىر قوسىمشا الماتىدا بەلسەندى قولدانىلادى، ءبىزدىڭ كوكشەتاۋداعى، شىمكەنت پەن اقتاۋداعى فيليالدارىمىزدا دا جوبانى ىسكە قوسۋ جوسپارلانعان» - دەپ اتاپ ءوتتى ءا. شالەكەنوۆ.
ەسكە سالا كەتسەك، سانيتارلىق دارىگەرلەردىڭ تالاپتارىنا سايكەس، «Ashyq» قوسىمشاسى بويىنشا «سارى» جانە «قىزىل» مارتەبەسى بار كەلۋشىلەر كاسىپكەرلىك نىساندارىنا كىرە المايدى.
«قىزىل» ستاتۋستاعى ادامدار قاتاڭ رەجيمدە ۇيدە وقشاۋلانۋى ءتيىس. بۇل رەتتە، پ ت ر تەست وڭ ناتيجە كورسەتكەن ساتتەن 14 كۇن بويى جۇيەدە «قىزىل» مارتەبە كورسەتىلەدى. وقشاۋلانۋعا جاتاتىن كەلۋشىلەر انىقتالعان جاعدايدا سانيتارلىق- ەپيدەميولوگيالىق باقىلاۋ ورگاندارى كارانتيندىك شەكتەۋلەردى بۇزعانى ءۇشىن اكىمشىلىك جاۋاپقا تارتۋعا قۇقىلى. ايىپپۇل 30 ا ە ك نەمەسە 87510 تەڭگەنى قۇرايدى»، - دەپ ءتۇسىندىردى اۋەجاي وكىلى.
اۆتور: ايجان سەرىكجان قىزى
