13:55, 02 - شىلدە 2025 | GMT +5
اسا ءىرى الاياقتىق جاساعان قازاقستاندىق ازامات گرۋزيادا ۇستالدى
استانا. KAZINFORM - ق ر ىشكى ىستەر مينيسترلىگى ينتەرپول ۇلتتىق ورتالىق بيۋروسىنىڭ سۇراۋى بويىنشا اسا ءىرى كولەمدە الاياقتىق جاسادى دەگەن كۇدىكپەن حالىقارالىق ىزدەۋدە جۇرگەن قازاقستان ازاماتى گرۋزيادا ۇستالدى.
ۆەدومستۆونىڭ مالىمەتىنشە، 2022 -جىلى كۇدىكتى تانىسىن الداپ، شامامەن 13 ميلليون تەڭگەگە اۆتونەسيە راسىمدەۋگە كوندىرگەن. قاراجاتتى العان سوڭ اۆتوكولىك ساتىپ الىپ، ءوز مىندەتتەمەلەرىن ورىنداماي، جاسىرىنعان.
«ءى ءى م «زاڭ مەن ءتارتىپ» يدەولوگياسى اياسىندا جازادان بۇلتارتپاۋ قاعيداتىن قامتاماسىز ەتۋ بويىنشا جۇيەلى جۇمىستاردى جالعاستىرۋدا»، - دەلىنگەن ءى ءى م حابارلاماسىندا.
