پاريجدەگى وليمپياداعا جەتۋ ءۇشىن قالتاڭىزدا قانشا تەڭگە بولۋى كەرەك؟
استانا. KAZINFORM - ساناۋلى كۇننەن كەيىن الەم نازارى پاريجدە وتەتىن XXXIII جازعى وليمپيادادا بولادى. وعان قالاي بارۋعا بولادى؟ پاريجگە دەيىن ۇشاق بيلەتى قانشا؟ فرانسيا استاناسىندا قايدا ورنالاسۋعا بولادى؟ وليمپيادانى قايدان تاماشالايمىز؟
فرانسياعا قالاي كىرەمىز؟
پاريجگە اتتانباس بۇرىن الدىمەن ۆيزاعا قۇجات تاپسىرامىز.
ەگەر سىزدە شەنگەن ۆيزاسى بولسا، قۇتتىقتايمىز، ءسىزدىڭ شارۋاڭىز جەڭىلدەيدى ءارى ۋاقىتىڭىز ۇنەمدەلەدى. ال ۆيزا بولماسا، تەزىرەك كەزەككە تۇرىپ، قۇجات تاپسىرۋعا دايىندالىڭىز.
ۆيزا الۋ ءۇشىن مىنا سايتقا ءوتىپ، قۇجاتتارىڭىزدى دايىنداڭىز:
ۆيزا الۋ ءۇشىن ءوتىنىش؛ (مىنا سايتتا تولتىراسىز، مىنا جەردە كومەكشى قۇرال)
ءتولقۇجات؛
3x4 سۋرەت؛
قوناق ءۇي نەمەسە تۇراتىن جەرىڭىزدى راستايتىن قۇجات؛
جۇمىس ورنىنان انىقتاما (وندا لاۋازىمىڭىز، جالاقىڭىز جانە ەڭبەك دەمالىسى تۋرالى بۇيرىق كورسەتىلۋى كەرەك)؛
شوتتا قاراجاتتىڭ بار-جوعى تۋرالى بانكت انىقتاماسى؛
وتباسىلىق جاعدايدى راستايتىن قۇجات؛
مەديتسينالىق ساقتاندىرۋ؛
ۇشاق بيلەتى.
ۆيزا قۇنى - 80 ەۋرو نەمەسە 42 مىڭ تەڭگە.
ۇشاق بيلەتىنىڭ قۇنى قانشا؟
الماتى-پاريج باعىتى بويىنشا ۇشاق بيلەتىنىڭ باعاسى 189 مىڭ تەڭگەدەن باستالادى. ءبىز سىزگە ساپارعا 1-2 كۇن بۇرىن ەرتە شىعۋدى ۇسىنامىز، سەبەبى، بىرىنشىدەن، وليمپيادانىڭ اشىلۋ سالتاناتىنا ۇلگەرمەي قالۋىڭىز مۇمكىن، ەكىنشىدەن، جولعا كەتەتىن ۋاقىتتى دۇرىس ەسەپتەگەن ابزال.
ونىڭ ۇستىنە، بارا-بارا بيلەت باعاسى قىمباتتاي تۇسەدى. ماسەلەن، 24-شىلدەدە بيلەت 189 مىڭنان باستالسا، 25-شىلدەدە 219 مىڭ تەڭگە، ال 26-شىلدەدە بيلەت قۇنى كەرىسىنشە ارزانداپ، 216 مىڭ تەڭگە بولىپ تۇر.
سونىمەن، بۇل كۇندەرى بيلەتكە شامامەن 200-300 مىڭ تەڭگە جۇمسايسىز. بۇل - تەك ءبىر باعىتقا باعىتتالعان باعا.
ال استانا-پاريج باعىتى بويىنشا بيلەت قۇنى 279 مىڭ تەڭگەدەن باستالادى.
قاي جەردە تۇراقتاسام بولادى؟
ۆيزا مەن بيلەتتى العان سوڭ كەلەسى ماسەلە –قوناق ءۇي.
وليمپيادانىڭ اشىلۋى پاريجدەگى سەنا وزەنىنىڭ ماڭىندا وتەدى. سوندىقتان ارنايى سايتتاردان وسى جەردەن قوناق ءۇي العانىڭىز دۇرىس. بۇل ماڭداعى قوناقۇيلەردىڭ باعاسى 1 ەرەسەك ادامعا 50 مىڭ تەڭگەدەن باستالادى. شامامەن 10 كۇن بولساڭىز، قالتاڭىزعا 500 مىڭ تەڭگە كەرەك.
وليمپياداعا بيلەت
وليمپياداعا بيلەت ساتىپ الۋ ۇسىنىلادى. ول ءۇشىن رەسمي سايتتا تىركەلىپ، وزىڭىزگە ۇنايتىن سپورت تۇرىنە بيلەت ساتىپ الىڭىز.
مۇندا بيلەت قۇنى ءارتۇرلى جانە بيلەتتەرى تەك رەسمي سايتتان الۋ ۇسىنىلادى. ماسەلەن، كۇرەس سەكسياسىنىڭ 4 كاتەگورياسىنا بيلەت ءارتۇرلى باعادا.
ءبىراق قامىقپاڭىز، كەي ويىن تۇرلەرىنە كىرۋ تەگىن بولادى.
بۇدان باسقا، وليمپيادا ۇيىمداستىرۋشىلار ۇسىنعان ارنايى قوناقجاي جانە ساياحات پاكەتتەرى بار. بۇل تۋرالى اقپارات تا رەسمي سايتتا بار.
قوناقجاي پاكەتى 85 ەۋرو نەمەسە 45 مىڭ تەڭگە بولسا، ساياحات پاكەتى 259 مىڭ تەڭگە تۇرادى.
قورىتىندىلاي كەلە، ۆيزا، ۇشاق بيلەتى مەن تۇرۋىڭىزعا كەم دەگەندە 1,5 ميلليون تەڭگە قاجەت.
ايتا كەتەيىك، 17-شىلدەدە الماتىدا قازاقستان ۇلتتىق قۇراماسىن XXXIII جازعى وليمپيادا ويىندارىنا رەسمي شىعارىپ سالۋ ءراسىمى ءوتتى. فرانسيا استاناسىندا 80 اتلەتىمىز سپورتتىڭ 25 تۇرىنەن باق سىناپ، 81 مەدال جيىنتىعىنا تالاسادى.
ەسكە سالايىق، بۇعان دەيىن وليمپيادادا قازاقتىڭ نامىسىن قورعايتىن سپورتشىلاردىڭ كيىمى نارازىلىق تۋدىرعان ەدى. Massaget.kz ءتىلشىسى فورما ديزاينىن كىم جاساپ شىعارعانى، وعان قانشا قاراجات كەتكەنىن انىقتاپ كورگەن ەدى.
Massaget.kz
