20:59, 14 - مامىر 2024 | GMT +6
پاريج وليمپياداسىندا ەل تۋىن كىمدەر كوتەرەدى؟
استانا. KAZINFORM – تۋريزم جانە سپورت ءمينيسترى ەرمەك مارجىقپايەۆ پاريج وليمپياداسىنىڭ اشىلۋ سالتاناتىندا تۋدى كىم ۇستايتىنىن ايتتى.
ب ا ق وكىلى مينيسترگە «پاريج وليمپياداسىنىڭ سالتاناتتى اشىلۋ راسىمىندە قازاقستان تۋىن سپورتشىلاردان كىم ۇستايدى؟ ۇمىتكەرلەر بار ما؟» دەپ سۇرادى.
تۋريزم جانە سپورت ءمينيسترى ەرمەك مارجىقپايەۆ بىلاي دەپ جاۋاپ بەردى:
ۇمىتكەرلەر بار. بىرىنشىدەن، بوكستان قازاقستان قۇراماسىنىڭ مۇشەسى اسلانبەك شىمبەرگەنوۆ (71 كەلى). ەكىنشىدەن، قىز سپورتشى بار. ءبىراق ونىڭ اتى ازىرگە بەلگىسىز. ليسەنزيالىق تۋرنيرلەر ەندى بىتەدى، سودان كەيىن ونىڭ اتىن ايتامىز، - دەدى مارجىقپايەۆ.
