پاريج وليمپياداسىندا 800 دانا جالعان مەدال ساتپاق بولعان ادام ۇستالدى

پاريج. KAZINFORM - فرانسيادا ءوتىپ جاتقان جازعى وليمپيادا ويىندارىندا پاريج وليمپياداسىنىڭ لوگوتيپى بەينەلەنگەن جالعان مەدال ساتقان برازيليالىق ازامات ۇستالدى. بۇل تۋرالى Le Parisien باسىلىمى حابارلادى.

حابارعا سايكەس، 23-شىلدەدە وليمپيادا ويىندارىنىڭ اشىلۋىنا بىرنەشە كۇن قالعاندا پاريجدىڭ 12-اۋدانىنداعى كوشەلەردىڭ بىرىندە برازيليادان كەلگەن 39 جاستاعى كۇدىكتى پارامەن ۇستالعان.

ۇستاۋ كەزىندە قىلمىسكەردەن 11 جاساندى مەدال جانە جالعان 500 ەۋرولىق بانكنوت تابىلعان.

تەرگەۋشىلەر ونىڭ جالدامالى پاتەرىن ءتىنتۋ كەزىندە 198 باۋلى مەدال، 666 باۋسىز مەدال، 655 زەرگەرلىك بۇيىم جانە «پاريج 2024» ەمبلەماسى بار 727 باۋ تاپتى.

سونداي- اق 1340 ەۋرو قولما-قول اقشا تابىلعان.

بۇعان دەيىن پاريجدە وليمپيادا ويىندارىنا جالعان بيلەت ساتۋ بويىنشا التى ءىس قوزعالعان.

تۋريستەر مەن جەرگىلىكتى تۇرعىندار الاياقتىق تۋرالى پوليتسياعا حابار بەرگەن.

مىسالى، 19 جاستاعى بويجەتكەن جالعان سايتتان تاپقان جالعان QR كودى بار بيلەتتەرگە 870 ەۋرو تولەگەن.

پوليتسيا بولىمشەسىنە كوپتەگەن سپورتشىلار مەن جاتتىقتىرۋشىلار دا جەكە زاتتارىنىڭ جوعالتقانىن ايتىپ شاعىمدانعان.

ايتالىق، جاپون رەگبي ويىنشىسى اشەكەي بۇيىمدارىن جانە پاتەرىندە ساقتالعان 3 مىڭ ەۋرونى جوعالتقان.

ايتا كەتەيىك، رۋمىنيا پرەمەرى وليمپيادانىڭ جابىلۋ راسىمىنە بويكوت جاريالاماق.