پاريج وليمپياداسى تۋرالى قىزىقتى دەرەكتەر

استانا. KAZINFORM - فرانسيا استاناسى پاريج قالاسىندا وتەتىن XXXIII جازعى وليمپيادا ويىندارىنىڭ باستالۋىنا تۋرا 5 كۇن قالدى. وسىعان وراي نازارلارىڭىزعا وليمپيادا تۋرالى قىسقاشا قىزىقتى دەرەكتەردى ۇسىنامىز.

- وليمپيادا ويىندارىنىڭ اشىلۋ كۇنى پاريجدىڭ اۋە كەڭىستىگى جابىلادى.

- جارىستاردى وتكىزۋ ءۇشىن 35 سپورت نىسانى جۇمىس ىستەيدى.

- بيىل جارىس باعدارلاماسىنان كاراتە، بەيسبول جانە سوفتبول سىندى سپورت تۇرلەرى الىنىپ قالدى.

- سپورتشىلار بارلىعى 329 جۇلدە جيىنتىعىن ساراپقا سالادى.

- وليمپيادالىق اۋىلعا 2500-گە جۋىق ۇيلەر سالىندى. ويىن كەزىندە اتالعان اۋىل 14500 اتلەتتى سىيدىرا الادى.

- وليمپيادا الاۋى گرەكيادان فرانسياعا قايىق ارقىلى جەتكىزىلدى. الاۋ قۇتىسىنىڭ تومەنگى بولىگى اققاينار ءتۇستى بولاتتان دايىندالدى.

- ويىننىڭ بويتۇمارى - فريگي ەسىمدى فريگيالىق قالپاق.

- الەم بويىنشا 26 مىڭ جۋرناليست اككرەديتاتسيا العان.

- پاريج قالاسىندا جازعى وليمپيادا ويىندارى سوڭعى 100 جىلدا العاش رەت وتكىزىلگەلى وتىر.

- تاريحتا بيىل تۇڭعىش رەت وليمپيادا ويىندارى مەن پاراليمپيادا ويىندارىنىڭ بويتۇمارى بىردەي بولادى.

- 1900 -جىلى پاريج تاريحقا ەندى: وليمپيادا ويىندارىندا تۇڭعىش رە ت ايەلدەر باق سىنادى.

- پاريجدە العاشقى جۇلدەلەر 27-شىلدە كۇنى ساراپقا سالىنادى.

- وليمپيادانىڭ اشىلۋى سەنا وزەنىندە وتەدى. ءاربىر دەلەگاتسيا جەكەلەگەن قايىقپەن جۇرەدى. شەرۋگە 10500 اتلەت قاتىسادى.

- جابىلۋ سالتاناتىندا ەستافەتا ا ق ش-قا جولدانادى. 2028 -جىلى جازعى وليمپيادا ويىندارى لوس-اندجەلەستە وتەدى.

ەستەرىڭىزگە سالا كەتەيىك، قازىرگى تاڭدا ءتورتجىلدىق دوداعا جولداما جەڭىپ العان قازاقستاندىق سپورتشىلارىمىزدىڭ العاشقى لەگى پاريجدەگى وليمپيادالىق قالاشىققا بارىپ ۇلگەردى. قازاقستان قۇراماسى وليمپيادا ويىندارىنا سپورتتىڭ 25 تۇرىنەن 92 جولداما جەڭىپ الدى.

فرانسيا استاناسى پاريج قالاسىندا وتەتىن XXXIII جازعى وليمپيادا ويىندارى 26-شىلدە مەن 11-تامىز ارالىعىندا وتەدى.

اۆتور
كۇنسۇلتان وتارباي