پاريج-2024: تاەكۆوندو، ستەند اتۋ جانە قازىرگى بەسسايىستان ەل نامىسىن كىمدەر قورعايدى
استانا. KAZINFORM - بۇگىن فرانسيا استاناسى پاريج قالاسىندا وتەتىن XXXIII جازعى وليمپيادا ويىندارىنىڭ باستالۋىنا تۋرا 5 كۇن قالدى.
وسىعان وراي بۇگىن نازارلارىڭىزعا تاەكۆوندو، ستەند اتۋ جانە قازىرگى بەسسايىستان ەل نامىسىن قورعايتىن سپورتشىلارىمىزدى قىسقاشا تانىستارى كەتكەندى ءجون كوردىك.
وليمپياداعا باراتىن سپورتشىلاردىڭ قىسقاشا مالىمەتتەرى:
تاەكۆوندو
ساميرحون سارۆارحون ۇلى اباباكيروۆ - 2003 -جىلى 26-قىركۇيەكتە شىمكەنت قالاسىندا دۇنيەگە كەلگەن.
باتىرحان بولات ۇلى تولەۋعالي - 2006 -جىلى 25-شىلدەدە شىعىس قازاقستان وبلىسى، زايساندا دۇنيەگە كەلگەن.
ستەند اتۋ
ەدۋارد اندرەيەۆيچ ەشەنكو - 1999 -جىلى 13-قاراشادا الماتى قالاسىندا دۇنيەگە كەلگەن.
ارالاس جۇپتىق سايىستان الەم چەمپيوناتىنىڭ قولا جۇلدەگەرى (2022)
اسەم مارات قىزى ورىنباي - 1993 -جىلى 7-قىركۇيەكتە الماتى وبلىسىندا دۇنيەگە كەلگەن.
ارالاس جۇپتىق سايىستان الەم چەمپيوناتىنىڭ قولا جۇلدەگەرى (2022)
ماريا الەكساندروۆنا دميترەنكو - 1988 -جىلى 24-ناۋرىزدا شىمكەنت قالاسىندا دۇنيەگە كەلگەن.
ارالاس جۇپتىق سايىستان الەم چەمپيوناتىنىڭ قولا جۇلدەگەرى (2023)
قازىرگى بەسسايىس
ەلەنا پوتاپەنكو - 1993 -جىلى 20-ساۋىردە استانا قالاسىندا دۇنيەگە كەلگەن.
گەورگي بورودا- دۋدوچكين - 2001 -جىلى 16-قاراشادا جامبىل وبلىسىندا دۇنيەگە كەلگەن.
ەستەرىڭىزگە سالا كەتەيىك، قازىرگى تاڭدا ءتورتجىلدىق دوداعا جولداما جەڭىپ العان قازاقستاندىق سپورتشىلارىمىز سوڭعى وقۋ-جاتتىعۋ جيىندارىن وتكىزىپ جاتىر. قازاقستان قۇراماسى وليمپيادا ويىندارىنا سپورتتىڭ 25 تۇرىنەن 92 جولداما جەڭىپ الدى.
ناقتىراق ايتساق، بوكس، دزيۋدو، سپورتتتىق گيمناستيكا، جەڭىل اتلەتيكا، بايداركا مەن كانوەدە ەسۋ، وقپەن اتۋ، سەمسەرلەسۋ، گرەك-ريم كۇرەسى، ەركىن كۇرەس، ساداق اتۋ، ستەندتىك اتۋ، تەننيس، ۆەلوشوسسە، ءجۇزۋ، زاماناۋي بەسسايىس، تاەكۆوندو، ۆەلوترەك، باتۋت گيمناستيكاسى، بادمينتون، اكادەميالىق ەسۋ، كوركەم گيمناستيكا، ترياتلون، ۇستەل تەننيسى، قۇزعا شىعۋ جانە برەيكينگتەن وليمپيادا ويىندارىندا سىنعا تۇسەدى.
فرانسيا استاناسى پاريج قالاسىندا وتەتىن XXXIII جازعى وليمپيادا ويىندارى 26-شىلدە مەن 11-تامىز ارالىعىندا وتەدى. ويىندارعا الەمنىڭ 205 ەلىنەن 10500 سپورتشى قاتىسادى دەپ جوسپارلانعان. وندا 32 سپورت تۇرىنەن 329 مەدال جيىنتىعى ساراپقا سالىنادى.
اۆتور
كۇنسۇلتان وتارباي
