پاريج-2024: ۇلتتىق قۇراما فورماسى، مەدالدان ءۇمىتتى سپورتشى، جولداما سانى تالقىلاندى

استانا. KAZINFORM - بۇگىن پاريج وليمپياداسىنىڭ باستالۋىنا تۋرا 158 كۇن قالدى. وسىعان وراي استانادا پاريج 2024 وليمپياداسىنا دايىنلىق شتابى كەزەكتى ق ر ت س م سپورتتى دامىتۋ ديرەكتسياسى مەن ق ر ۇلتتىق وليمپيادا كوميتەتى وكىلدەرىمەن بىرىككەن كەزدەسۋ وتىرىسىن وتكىزدى.

اتالعان جيىن بارىسىندا ءبىرقاتار ماسەلە تالقىلاندى.

جوسپار بويىنشا 25 سپورت ءتۇرى بويىنشا ليتسەنزيالاردىڭ سانىن 90 عا دەيىن جەتكىزۋ مىندەتى تۇر. سونداي-اق، جۇلدەگە ۇمىتكەر 54 سپورتشىدان تۇراتىن ءتىزىم جاساقتالدى. قۇراما كوشباسشىلارى ءار سپورت ءتۇرىنىڭ ەرەكشەلىگىن ەسكەرە وتىرىپ، جەكە جوسپار بويىنشا دايىندالادى. ءبىر سوزبەن ايتقاندا - ولار ەشتەڭەگە مۇقتاج بولمايدى. وليمپيادا الدىنداعى تەستىلىك جارىستارعا قاتىسۋ دا ماڭىزدى ەكەنى تىلگە تيەك ەتىلدى. ءار سپورت ءتۇرىنىڭ جارىس كەستەسىنە سايكەس، كوماندالاردىڭ پاريجگە ۇشىپ بارۋ ۋاقىتى بەكىتىلەتىن بولدى.

سونىمەن قاتار، ۇلتتىق قۇراما سپورت كيىمى ۇلگىسىنىڭ ديزاينىن بەكىتىپ، ونى دايىنداۋ ەرەكشە نازاردا بولاتىنى ەسكەرىلدى.

ەستەرىڭىزگە سالا كەتەيىك، بۇگىندە قازاقستان قۇراماسىنىڭ قورجىنىندا سپورتتىڭ 8 ءتۇرى بويىنشا 19 جولداما بار (ساداق اتۋ – 4، تاس جولداعى ۆەلوسپورت – 3، نىسانا كوزدەۋ – 5، قازىرگى بەسسايىس – 2، بوكس – 2، گرەك-ريم كۇرەسى – 1، ەركىن كۇرەس – 1، سپورتتىق گيمناستيكا - 1).

ايتا كەتەيىك، 2024-جىلعى 17- ساۋىردە بۇكىل ەل بويىنشا «وليمپياداعا 100 كۇن» ءىس-شاراسى وتەدى. ايتۋلى كۇنگە وراي فلەشموبتار مەن سپورتتىق جارىستار ۇيىمداستىرىلادى.

ءتورتجىلدىقتىڭ باستى دوداسى 26- شىلدە مەن 11- تامىز ارالىعىندا فرانسيا استاناسى پاريجدە وتەدى. وعان الەمنىڭ 205 ەلىنەن 10 مىڭنان استام سپورتشى قاتىسىپ، 32 سپورت تۇرىنەن 329 مەدال جيىنتىعى ساراپقا سالىنادى.

اۆتور كۇنسۇلتان وتارباي