پاريج-2024: ەل قورجىنىنا 47 جولداما ءتۇستى
استانا. KAZINFORM - بۇگىن ستەند اتۋدان قاتار استاناسى دوحادا ءوتىپ جاتقان ليتسەنزيالىق تۋرنيردە ۇلتتىق قۇراما سپورتشىسى ماريا دميتريەنكو پاريج وليمپياداسىنا ليتسەنزيا جەڭىپ الدى.
سپورتتى دامىتۋ ديرەكتسياسىنىڭ باسپا ءسوز قىزمەتى ءمالىم ەتكەندەي، ول تراپ جاتتىعۋىندا فينالعا شىقتى. ەرەجە بويىنشا فينالعا شىققان 4 مەرگەنگە جولداما بەرىلەدى.
ايتا كەتەيىك، ماريا وسىعان دەيىن 2016 -جىلى ريو وليمپياداسىنا قاتىسىپ، 8-ورىنعا تابان تىرەگەن. سونىمەن قاتار وتكەن جىلى باكۋدەگى الەم چەمپيوناتىندا ماريا ارالاس جۇپتىق سىندا دانييل پوچيۆالوۆپەن بىرگە قولا جۇلدەگەر اتانعان.
قازىر قازاقستان قورجىنىندا ويىنداردىڭ 47 ليسەنزياسى بار.
ەستەرىڭىزگە سالا كەتەيىك، وسىعان دەيىن قازاقستان سپورتشىلارى فرانسيا استاناسى پاريج قالاسىندا وتەتىن XXXIII جازعى وليمپيادا ويىندارىنا ليتسەنزيا سانىن 46 عا جەتكىزگەن بولاتىن. ناقتىراق ايتساق، 46 جولدامانى كۇرەس تۇرلەرىنەن 130 كەلىدەگى ءالىمحان سىزدىقوۆ بىشكەكتە جەڭىپ الدى.
اۆتور
كۇنسۇلتان وتارباي
