ارمەنيالىق اۋە كومپانياسى قازاقستانعا جاڭا رەيس اشتى

12-ماۋسىمىنان باستاپ قازاقستاننىڭ اۋە تاسىمالى نارىعىنا ارمەنيانىڭ جاڭا شەتەلدىك اۋە تاسىمالداۋشىسى - « FlyOne Armenia» اۋە كومپانياسى قوسىلدى. بۇل تۋرالى كولىك مينيسترلىگى ءمالىم ەتتى.

- اۋە كومپانياسى ەريەۆان - الماتى باعىتى بويىنشا اپتاسىنا 2 رەت (دۇيسەنبى جانە جۇما كۇندەرى) تىكەلەي تۇراقتى جولاۋشىلار رەيستەرىن ورىنداي باستايدى. ناتيجەسىندە قازاقستان مەن ارمەنيا اراسىنداعى رەيستەردىڭ جالپى سانى اپتاسىنا 3 رەيستەن 5 رەيسكە دەيىن ارتادى،- دەلىنگەن حابارلامادا.

قازاقستان مەن ارمەنيا اراسىنداعى جاڭا اۋە قاتىناسىنىڭ اشىلۋى ەكى ەل اراسىنداعى ساۋدا- ەكونوميكالىق، ىسكەرلىك، ينۆەستيتسيالىق، تۋريستىك جانە مادەني ىنتىماقتاستىقتى ودان ءارى دامىتۋعا ىقپال ەتەدى.

ال 13-ماۋسىم كۇنى احمەت بايتۇرسىن ۇلى اتىنداعى حالىقارالىق اۋەجايى وزبەكستاننىڭ Centrum Air اۋە كومپانياسىنىڭ قوستاناي-تاشكەنت-قوستاناي باعىتى بويىنشا العاشقى تۇراقتى رەيسىن قارسى الادى.