الماتىدا «مەكتەپكە جول» اكسياسى بويىنشا قايدا حابارلاسۋعا بولادى
الماتى قالاسى ءبىلىم باسقارماسىنىڭ اقپاراتى بويىنشا، جالپىعا مىندەتتى وقۋ» قورىنان حالىقتىڭ الەۋمەتتىك وسال توبى ساناتىنا جاتاتىن 15 مىڭنان استام وقۋشى كومەك الدى. ايتا كەتەيىك، اتالعان قور جەرگىلىكتى بيۋدجەتتەن قارجىلاندىرىلادى.
ودان كومەك الۋعا مىنا ساناتتاعىلار قۇقىلى:
- مەملەكەتتىك اتاۋلى الەۋمەتتىك كومەك (بۇدان ءارى – ا ا ك) الۋعا قۇقىعى بار وتباسىلاردان شىققان بالالار؛
- جان باسىنا شاققانداعى ورتاشا تابىسى ەڭ تومەنگى كۇنكورىس دەڭگەيىنەن تومەن مەملەكەتتىك ااك المايتىن وتباسىلاردان شىققان بالالار؛
- جەتىم جانە اتا- انانىڭ قامقورلىعىنسىز قالعان بالالار؛
- توتەنشە جاعدايلار ناتيجەسىندە شۇعىل كومەكتى تالاپ ەتەتىن وتباسىلاردان شىققان بالالار؛
- ءبىلىم بەرۋ ۇيىمىنىڭ القالى ورگانى ايقىندايتىن ءبىلىم الۋشىلار مەن تاربيەلەنۋشىلەردىڭ وزگە دە ساناتتارى.
اتا- انا، بالانىڭ زاڭدى وكىلى ماتەريالدىق كومەك الۋ ءۇشىن egov.kz ەلەكتروندىق ۇكىمەت پورتالى ارقىلى نەمەسە حالىقتى جۇمىسپەن قامتۋ ورتالىعىنا ءوتىنىم بەرەدى. قارجىلىق جانە ماتەريالدىق كومەك الۋعا ارنالعان ءتىزىم وقۋ جىلى ىشىندە ءبىر رەت جاسالادى.
جوعارىدا اتالعان ساناتتارعا جاتپايتىن وقۋشىلار «مەكتەپكە جول» رەسپۋبليكالىق اكتسياسى اياسىندا دەمەۋشىلەر مەن مەتسەناتتار ەسەبىنەن كومەك الا الادى. بيىل بۇل اكتسيا وسى جىلدىڭ 1-تامىزىندا «جاقسىلىق جاسا» ديەۆيىزىمەن باستالىپ، 30-قىركۇيەككە دەيىن جالعاسادى.
«مەكتەپكە جول» اكتسياسىنا قاتىسۋ ءۇشىن وقۋ ورنى بويىنشا ءبىلىم بەرۋ ۇيىمىنا ءوتىنىش بەرۋ قاجەت. بۇگىنگى تاڭدا ءبىلىم بەرۋ ۇيىمدارىنا 500 گە جۋىق ءوتىنىم بەرىلدى.
دەمەۋشىلەر، مەسەناتتار جانە بالالارعا كومەك كورسەتكىسى كەلەتىن قالانىڭ بارلىق قامقور تۇرعىندارى اۋداندىق ءبىلىم بولىمدەرىنە ساعات 9:00 دەن 18:00 گە دەيىن حابارلاسا الادى.
اكتسيا تۋرالى قوسىمشا اقپاراتتى كەلەسى جەدەل جەلى تەلەفوندارى ارقىلى بىلۋگە بولادى:
- الاتاۋ اۋدانى بويىنشا: 77089705042+
- المالى اۋدانى بويىنشا: 77027253363+
- اۋەزوۆ اۋدانى بويىنشا: 77023273669+
- بوستاندىق اۋدانى بويىنشا: 77772806650+
- جەتىسۋ اۋدانى بويىنشا: 77089359498+
- مەدەۋ اۋدانى بويىنشا: 77009965689+
- ناۋرىزباي اۋدانى بويىنشا: 77021966805+
- تۇركسىب اۋدانى بويىنشا: 77016154978+
