اقمولا وبلىسىندا جول اپاتىنان ءبىر وتباسى قازا تاپتى

كوكشەتاۋ. قازاقپارات - اقمولا وبلىسىندا جول اپاتىنان ءبىر وتباسى قازا تاپتى، دەپ حابارلايدى قازاقپارات.

قايعىلى وقيعا 14-تامىز كۇنى كوكشەتاۋ- رۋزايەۆكا اۆتوجولىندا بولعان. Lexus LS 430 كولىك قۇرالى مەن DAF بەنزين تاسىعىشى بەتپە-بەت سوقتىعىسقانى انىقتالدى.

«اپات سالدارىنان جەڭىل اۆتوكولىك ورتەندى. وقيعا ورنىندا 42 جاستاعى Lexus-تىڭ جۇرگىزۋشىسى، ونىڭ جۇبايى مەن بالاسى قايتىس بولدى. جانارماي كولىگىنىڭ جۇرگىزۋشىسى ءارتۇرلى جاراقاتتارمەن اۋرۋحاناعا جاتقىزىلدى»، - دەدى ءى ءى م باسپا ءسوز قىزمەتىنەن.

ق ر ق ك 345-بابى 4-بولىگى بويىنشا سوتقا دەيىنگى تەرگەۋ جۇرگىزىلىپ جاتىر. ساراپتاما تاعايىندالدى.