سارىاعاشتىق ايەل كۇيەۋىن ءولتىردى دەگەن كۇدىككە ءىلىندى
12- تامىز كۇنى تۇركىستان وبلىسى سارىاعاش اۋدانىنىڭ پوليتسياسىنا جەرگىلىكتى تۇرعىننان ەكى كۇن بۇرىن 38 جاستاعى ءىنىسى جوعالىپ كەتكەنى تۋرالى حابارلاما كەلىپ ءتۇستى. اۋداندىق پوليتسيا ءبولىمىنىڭ بارلىق جەكە قۇرامى جوعالعان تۇرعىندى ىزدەۋگە جۇمىلدىرىلدى.
«جەدەل-ىزدەستىرۋ شارالارىن جۇرگىزگەن پوليتسەيلەر وتباسىلىق جانجالدان كەيىن كۇيەۋىن ءولتىردى دەگەن كۇدىكپەن اۋداننىڭ تۇرعىنىن انىقتاپ، ۇستادى. زاتتاي دالەلدەمەلەر تاركىلەندى.
كۇدىكتى ايەل ۋاقىتشا ۇستاۋ يزولياتورىنا قامالدى.
قايعىلى جاعداي ورىن العان وتباسى ىشكى ىستەر ورگاندارىندا ەسەپتە تۇرماعان جانە وتباسىلىق جانجال بويىنشا بۇرىن پوليتسياعا جۇگىنبەگەن»، - دەيدى تۇركىستان وبلىسىنىڭ پوليتسيا دەپارتامەنتى باستىعىنىڭ ورىنباسارى اسىلجان قالداربەكوۆ.
قازىرگى ۋاقىتتا ق ر ق ك- ءنىڭ 99-بابى 2-بولىگىمەن «كىسى ءولتىرۋ» سوتقا دەيىنگى تەرگەۋ امالدارى جۇرگىزىلۋدە جانە بولعان وقيعانىڭ تولىق ءمان-جايى انىقتالۋدا.
