جاڭا گولوۆكين اتانىپ كەتكەن قازاق بوكسشىنىڭ كەلەسى ايقاسى بەلگىلەندى

استانا. قازاقپارات - ەكىنشى جارتىلاي جەڭىل سالماقتاعى قازاقستاندىق بوكسشى سۇلتان زاۋىربەكتىڭ (15-0، 11 ك و) كەلەسى جەكپە-جەگى بەلگىلەندى، دەپ حابارلايدى Vesti.kz.

«اسسالاۋماعالەيكوم قازاق ەلى! جەكپە-جەك كۇنى بەلگىلى بولدى، تيتۋلدىق جەكپە-جەك وتكىزەمىن. دايىندىق باستالىپ كەتتى. مەن 10- قاراشادا ورالامىن»، - دەپ جازىپتى سۇلتان Instagram جەلىسىندە. دەگەنمەن جەكپە-جەكتىڭ وتەتىن ورنى مەن قارسىلاستىڭ ەسىمى ناقتىلانبادى.

كەيىنگى رەت قازاقستاندىق بوكسشى شىلدە ايىندا ەدينبۋرگتە (شوتلانديا) جۇدىرىقتاسىپ، بۇرىن جەڭىلمەگەن يسپانيالىق دجون كارتەردى (15-1-1، 7 ك و) ءۇشىنشى راۋندتا نوكاۋتقا تۇسىرگەن.

وسىدان كەيىن پروموۋتەرلىك كومپانيا سۇلتاندى اتاقتى وتانداسى گەننادي گولوۆكينگە (42-2-1، 37 ك و) تەڭەپ، جارنامالاعان ەدى.