كۇن سۋىتادى: دەمالىس كۇندەرىنە سينوپتيكتەر بولجامى

استانا. قازاقپارات - 12-14- تامىز كۇندەرى وڭتۇستىك سيكلوننىڭ جانە ونىمەن بايلانىستى اتموسفەرالىق فرونتالدى بولىكتەردىڭ وتۋىمەن رەسپۋبليكانىڭ باسىم بولىگىندە قۇبىلمالى اۋا رايى ساقتالادى.

ەلدىڭ سولتۇستىگىندە، شىعىسىندا جانە ورتالىعىندا نوسەر جاۋىن، بۇرشاق، 15-28 م/س ەكپىندەگى جەل بولجانادى.

بۇل تۋرالى قازاقپارات «قازگيدرومەت» ر م ك- عا سىلتەمە جاساپ حابارلايدى.

«نايزاعاي كەزىندە جەلدىڭ كۇشى ارتۋى مۇمكىن. ەلدىڭ سولتۇستىك-باتىسىندا، سولتۇستىگى مەن ورتالىعىندا تۇنگى جانە تاڭەرتەڭگى ۋاقىتتا تۇمان كۇتىلەدى.

قازاقستاننىڭ باتىسىندا، سولتۇستىك-باتىسى مەن وڭتۇستىگىندە جوعارى تەمپەراتۋرامەن جاۋىن-شاشىنسىز، اشىق اۋا رايى ساقتالادى. 12-13- تامىزدا اتىراۋ وبلىسىنىڭ وڭتۇستىك-باتىسىندا 42 گرادۋسقا دەيىن اپتاپ ىستىق ساقتالادى.

ال سولتۇستىك، شىعىس جانە ورتالىق وڭىرلەردە اۋا تەمپەراتۋراسى كۇندىز 12-20 گرادۋسقا دەيىن تومەندەۋى مۇمكىن. ەلىمىزدىڭ وڭتۇستىك-شىعىسىندا تەمپەراتۋرا 20-28 گە دەيىن تومەندەيدى»، - دەلىنگەن حابارلامادا.