جاڭا تۇسكەن كەلىنگە بالتا ۇستاتىپ، كۇرىش شاشۋ قانداي ءداستۇر؟
جەلىدە تاراعان ۆيدەودا جاڭادان كەلىن بولىپ تۇسكەن قالىڭدىقتىڭ الدىنا تاقتاي مەن بالتا قويىلىپ، كەلگەن ادامدار كەلىنگە كۇرىش شاشادى. ۆيدەونى كورگەن ادامدار بۇل قانداي ءداستۇر ەكەنىن تۇسىنبەي دال بولعان.
«جاسىمىز 60 قا كەلدى، مىناداي ىرىمدى جاڭا كورىپ وتىرمىن. وسى نە بولسا سونى ىرىم قىلىپ الاتىنى نەسى؟ ءبىز قازاقتا جوق. نە بولسا سونى قولدانباڭىزدار. قۋعىنشىلار كەلىسىم بەرسە وسىلاي دەپ بىرەۋ جازىپتى. ال بەرمەسە بالتامەن باسىن جار دەگەن با؟ كۇلكىلى».
«وي قازاقتار-اي، نەشە ءتۇرلىنى شىعارىپ قايتەسىڭدەر؟ ودان دا ەكى جاستىڭ اراسىنا تۇسپەي، ەكى جاس باقىتتى بولسىن دەڭىز».
«ويباي، بالتا بەرگەنى نەسى؟ بۇكىل ءۇيدىڭ تىرلىگىن وتكىزگەن سياقتى عوي مىنا كەلىنگە».
«بۇنداي سالت قازاقتا بولماعان. كىم شىعارعان؟ جاس وتاۋعا بالتانىڭ قاجەتى نە؟»، - دەيدى جەلى قولدانۋشىلارى.
بەلگىلى ەتنوگراف بولات بوپاي ۇلىنىڭ سوزىنشە، قازاقتا مۇنداي ىرىم دا، ءداستۇر دە جوق.
«بالتانى توي سالتىنا ىستەتپەيدى. قازاقتا قىلىش، پىشاق، بالتا جۇزىندە سەرتتەسۋ دەگەن ىرىم بار. ەگەر سەرتتى بۇزسا، سول وتكىر قۇرالدارمەن باسىن كەسەدى دەپ سەرتتەسەتىن. ونداي ىرىمدى جاڭا تۇسكەن جاس كەلىنگە قولدانباعان»، - دەيدى ەتنوگراف.
راسىندا، بۇل قىرعىز حالقىنىڭ سالتى بولۋى مۇمكىن.
«وتىرعان جەرىنەن ورىن تاپسىن دەگەن تىلەكپەن بالتا قويادى. ال كۇرىش شاشۋىنىڭ ماقساتى - ونى ءبىر-بىرلەپ تەرىپ، شىدامدى بولۋى كەرەك دەگەن ويمەن جاسالادى. كەلىن وتىرىپ، كۇرىشتى جينايدى. بارلىعى جاقسىلىق ءۇشىن جاسالعان ىرىم»، - دەيدى ۆيدەوعا پىكىر جازعانداردىڭ ءبىرى.
