استانا ل ر ت: پويىزداردىڭ جۇرگىزۋشىسى بولمايدى
بۇل تۋرالى CTS (City Transportation Systems) ج ش س-نىڭ باسقارما ءتوراعاسى عاني تاجيەۆ ءمالىم ەتتى، دەپ حابارلايدى قازاقپارات ءتىلشىسى.
«جىلجىمالى قۇرام رەتىندە «تريتون» مودەلى قاراستىرىلعان. ونىڭ قۋاتى - 115 كۆت، ال ماكسيمالدى سىيىمدىلىق 652 ادامعا دەيىن. LRT جۇيەسىنىڭ جىلدامدىعى - ساعاتىنا 80 شاقىرىم. باسقارۋ جۇيەسى تولىعىمەن اۆتوماتتاندىرىلعان جانە باسقارۋشىسىز بولادى. ياعني، وپەراتور قاشىقتان باسقارادى. جولاۋشىلار اعىنى 25 مىڭ جولاۋشىعا دەيىن دەپ بولجانىپ وتىر»، - دەدى عاني تاجيەۆ قالالىق ءماسليحاتتىڭ وتىرىسىندا.
CTS باسشىسىنىڭ ايتۋىنشا، LRT قۇرىلىسىنىڭ جالپى قۇنى 1 ميلليارد 888 ميلليون دوللاردى قۇرايدى.
استانادا LRT- نىڭ ءبىرىنشى جەلىسىن ىسكە قوسۋ 2025 -جىلعا شەگەرىلگەنىن حابارلاعان ەدىك.
بۇعان دەيىن ەلوردا اكىمى جەڭىس قاسىمبەك LRT جوباسىن 2 جىلدا اياقتاۋ جوسپارلانعانىن ايتقان بولاتىن.
