11:23, 10 - تامىز 2023 | GMT +6
وسكەمەندە كارىز قۇدىعىنا قۇلاپ كەتكەن ايەل قۇتقارىلدى
وسكەمەن. قازاقپارات - وسكەمەن قالاسىندا قۇدىققا قۇلاپ كەتكەن ايەل قۇتقارىلدى، دەپ حابارلايدى قازاقپارات ءتىلشىسى.
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، قۇتقارۋشىلار وسكەمەندە قۇدىققا قۇلاپ كەتكەن ايەلگە كومەكتەستى.
«وقىس وقيعا قابانباي باتىر مەن نوۆاتورلار كوشەلەرىنىڭ قيىلىسىندا بولعان. 51 جاستاعى ايەل سەرۋەندەپ جۇرگەن كەزدە قۇدىقتى بايقاماي قۇلاپ كەتكەن. جانىنداعى ەر ادام بىردەن ت ج د قىزمەتكەرلەرىنە قوڭىراۋ شالىپ، كومەك سۇرادى»، - دەلىنگەن اقپاراتتا.
سول جەرگە جەدەل جەتكەن دەپارتامەنتتىڭ مامانداندىرىلعان جاساق قىزمەتكەرلەرى ارنايى قۇتقارۋ جابدىعىمەن ايەلدى تەرەڭدىگى شامامەن 5 مەتردەي بولاتىن كارىز ليۋگىنەن شىعارىپ الدى. سودان كەيىن ونى جەدەل جاردەم دارىگەرلەرىنە تاپسىردى.
وسى رەتتە، قۇتقارۋشىلار قانداي دا ءبىر قيىندىققا تاپ بولعان تۇرعىندارعا «112» ءنومىرى بويىنشا حابارلاسۋ كەرەكتىگىن ەسكە سالدى.
