چيليدە قىستى كۇنى بۇرىن-سوڭدى بولماعان جوعارى گرادۋسقا جەتتى
قىسقى جىلۋ تولقىنى چيليگە بۇرىن-سوڭدى بولماعان جوعارى تەمپەراتۋرانى اكەلدى. اتاپ ايتقاندا، چيليدە قىسقى ىستىق 37 گرادۋسقا جەتتى.
عالىمداردىڭ پايىمداۋىنشا، بۇل قۇبىلىس بولاشاقتا كليماتتىڭ بارعان سايىن جىلىنا تۇسەتىنىن بىلدىرەدى.
دۇنيەجۇزى بويىنشا شىلدە ايى رەكوردتىق دەڭگەيدەگى ىستىق اي بولدى جانە كوپتەگەن ەلدەردە بۇل توتەنشە اۋا رايى تامىز ايىنا دەيىن جالعاسادى.
تامىزدىڭ العاشقى كۇندەرىندە چيليدىڭ سولتۇستىك جانە ورتالىق ايماقتارىندا اپتاپ ىستىق، ال قىستىڭ ورتاسىندا سانتياگودا كوكتەمگە ۇقساس اۋا رايى ورنادى.
بيىلعى قىستا چيليدە نوسەر جاۋىن دا بولدى.
چيليدەگى قىس بيىل كۇتپەگەن وقيعالارعا تولى بولدى: سوڭعى ونجىلدىقتا جاۋماعان نوسەر جاڭبىر مىڭداعان ادامدى باسپاناسىز قالدىردى، قالالار وقشاۋلانىپ، ەلدىڭ وڭتۇستىك-ورتالىق بولىگىندەگى جولدار جابىلدى.
مەتەورولوگيالىق قىزمەتتىڭ سوڭعى مالىمەتتەرىنە سايكەس، ەلدىڭ سولتۇستىگى مەن ورتالىعىندا ىستىق اۋا تەمپەراتۋراسى اپتا بويى ساقتالادى.
