س ق و-عا وڭتۇستىكتەن كوشىپ بارعان تۇرعىن گرانت الىپ، ناۋبايحانا اشتى
بۇگىندە وڭىردە 178 ادام مەملەكەتتەن قولداۋ الدى. ۇلتتىق جوباعا قاتىسۋشىلاردىڭ ءبىرى - اقجار اۋدانىنىڭ تۇرعىنى داريحا قۇربانوۆا. ول 1380000 تەڭگە كولەمىندە مەملەكەتتىك گرانت الىپ، ۆوسحود اۋىلىندا ءوز ناۋبايحاناسىن اشتى.
مەن وتباسىممەن سولتۇستىك قازاقستان وبلىسىنا وتكەن جىلدىڭ قىركۇيەك ايىنىڭ سوڭىندا، وڭتۇستىكتەن سولتۇستىككە قونىس اۋدارۋ باعدارلاماسى بويىنشا كوشىپ كەلدىم. وبلىس اكىمدىگى ماعان مەملەكەتتىك قولداۋدىڭ بارلىق شارالارىن ۇسىندى، كوشۋگە سۋبسيديا تولەدى، تۇرعىن ۇيمەن قامتاماسىز ەتتى. سونىمەن قاتار، بيزنەستى دامىتۋ ءۇشىن قايتارىمسىز گرانت تۋرالى دا ەگجەي- تەگجەيلى ءتۇسىندىردى. گرانت - ءوز كاسىبىن باستامايتىندار ءۇشىن كەرەمەت قولداۋ، - دەيدى داريحا قۇربانوۆا.
ول سونداي-اق، قاسىنا كومەكشى العانىن جانە بولاشاقتا ءوز بيزنەسىن كەڭەيتۋدى جوسپارلاپ وتىرعانىن ايتتى.
ەستەرىڭىزگە سالا كەتەيىك، 2023 -جىلى بيزنەس- يدەيالاردى ىسكە اسىرۋ ءۇشىن بارلىعى 9000 گرانت بەرۋ جوسپارلانىپ وتىر. بۇل رەتتە، وسى جىلدىڭ باسىنان باستاپ 5317 گرانت بەرىلدى.
Business.enbek.kz پورتالى ارقىلى جاڭا بيزنەس- يدەيالاردى ىسكە اسىرۋ ءۇشىن مەملەكەتتىك گرانتتار الۋعا وتىنىشتەردى قابىلداۋدىڭ ءۇشىنشى لەگى قىركۇيەك ايىنا جوسپارلانىپ وتىر. ءتيىستى حابارلاندىرۋ وتىنىشتەردى قابىلداۋ باستالعانعا دەيىن كۇنتىزبەلىك 10 كۇن بۇرىن ەڭبەك جانە حالىقتى الەۋمەتتىك قورعاۋ مينيسترلىگىنىڭ جانە حالىقتى جۇمىسپەن قامتۋ ماسەلەلەرى جونىندەگى ورگانداردىڭ رەسمي ينتەرنەت- رەسۋرستارىندا جاريالانادى. پورتال ارقىلى ءوتىنىش قابىلداۋ مەرزىمى - ءار لەكتە 10 جۇمىس كۇنى.
