ءۇندىستاندا كوروناۆيرۋستىڭ جاڭا شتامى انىقتالدى

نيۋ-دەلي. قازاقپارات- ءۇندىستاندا كوروناۆيرۋستىڭ جاڭا ءتۇرى انىقتالدى.

Eris دەپ اتالاتىن (EG.5.1) جاڭا شتامم ۇلى بريتانيا تۇرعىندارى اراسىندا الاڭداۋشىلىق تۋعىزدى، دەپ حابارلايدى قازاقپارات The Economic Times باسىلىمىنا سىلتەمە جاساپ.

كوروناۆيرۋستىڭ گەنومدىق ۆارياتسيالارىن باقىلاۋ ءۇشىن قۇرىلعان ءۇندىستاننىڭ SARS- CoV-2 گەنوميكا كونسورتسيۋمى جاڭا شتام جۇقتىرعاندار بار ەكەنىن، ءبىراق الاڭدايتىن ەشتەڭە جوق ەكەنىن اتاپ ءوتتى.

«ح ۆ ۆ كوروناۆيرۋسىنىڭ نۇسقاسى ءۇندىستاندا باسىم شتام بولىپ قالا بەرەدى. قازىرگى ۋاقىتتا ول وسىعانعا دەيىنگى بارلىق جاعدايلاردىڭ %90-92 قۇرايدى. مىسالى، وميكروننان شىققان 5.1 شتامى العاش رەت وتكەن ايدا ۇلى بريتانيادا انىقتالدى جانە قازىر بۇكىل ەل بويىنشا تارالۋدا. مونيتورينگ جۇيەسى جاقسى جۇمىس ىستەيدى، ويتكەنى ءبىز جاڭا شتامداردى انىقتاي الدىق»، - دەدى ءۇندىستاننىڭ كوروناۆيرۋستىق اۋرۋلار گەنوميكاسى كونسورتسيۋمىنىڭ مۇشەسى.

ءۇندىستاننىڭ دەنساۋلىق ساقتاۋ مينيسترلىگىنىڭ مالىمەتىنشە، سوڭعى 24 ساعات ىشىندە ەلدە كوروناۆيرۋس جۇقتىرعانداردىڭ جاڭا سانى 54 كە جەتتى، بەلسەندى جاعدايلاردىڭ سانى 1574. ۆيرۋستان قايتىس بولعاندار سانى 531918 ادامدى قۇرادى.

اۆتور:

سماعۇلوۆا ەركەجان