الماتىدا جاڭبىر: تۇرعىندار كوشەدە شومىلىپ ءجۇر- ۆيدەو
الەۋمەتتىك جەلىدە جاۋىن-شاشىننىڭ سالدارىنان «الما سيتي» تۇرعىن ءۇي كەشەنىندە جينالعان سۋعا مالتاپ جۇرگەن تۇرعىنداردىڭ ۆيدەوسى شىقتى. وسى وقيعاعا بايلانىستى ناۋرىزباي اۋدانىنىڭ اكىمدىگى «الما سيتي» ت ك-دا سۋ باسۋ وقيعاسىن جويۋ بويىنشا جەدەل جۇمىستار جۇرگىزدى.
«ساعات 18.50-دە «RBS دورستروي» ج ش س مەردىگەرلىك ۇيىمى جانە قىزمەت كورسەتەتىن كومپانيانىڭ كۇشىمەن سۋ باسۋ جويىلدى. قازىر بارلىق جاعداي باقىلاۋعا الىندى، جەلىلەر مەن ىرگەلەس اۋماقتى قوقىستان تازارتۋ جۇمىستارى جۇرگىزىلىپ جاتىر»، - دەپ حابارلادى الماتى اكىمدىگى.
ايتا كەتەيىك، الماتىدا كەشەندى تەكسەرۋ كەزىندە تۇراقتى سۋ باسۋ ۋچاسكەلەرى انىقتالعان. اكىمدىكتىڭ مالىمەتىنشە، 2023-2024 -جىلدارى 201 شاقىرىم ارىق جەلىسىن مودەرنيزاتسيالاۋ اياقتالادى، 100 شاقىرىم جاڭا ارىق جەلىلەرى سالىنادى، 46 تۇراقتى سۋ باسۋ ۋچاسكەسى جويىلعان.
ەسكە سالساق، استانادا جاۋىن-شاشىننان كەيىن قالانى سۋ باسقان سوڭ «Elorda eco system» ديرەكتورى قىزمەتىنەن بوساتىلعان بولاتىن.
