ۇركەر ۇلتتىق بايگەسىنە ءوتىنىم قابىلداۋ باستالدى
اقپارات جانە قوعامدىق دامۋ مينيسترلىگىنەن ءمالىم ەتكەندەي، بايقاۋعا مەدياكونتەنت وندىرەتىن جانە تاراتاتىن رەسپۋبليكالىق، وڭىرلىك جانە حالىقارالىق راديوستانتسيالار، باسپا جانە ينتەرنەت- باسىلىمدار قاتىسا الادى.
ءوتىنىم قابىلداۋ 2023 -جىلعى 9- تامىزدان باستاپ 4- قىركۇيەككە دەيىن جالعاسادى.
كونكۋرستىق جۇمىستار 2022 -جىلعى 25- قىركۇيەك پەن 2023 -جىلعى 8- تامىز ارالىعىندا مەرزىمدىك باسىلىمداردا، ينتەرنەت- رەسۋرستا جاريالانۋى نە راديوەفيردە شىقان بولۋى ءتيىس. ءار ۇمىتكەر بايقاۋدىڭ تەك ەكى نوميناتسياسىنا قاتىسا الادى (ەكەۋدەن ارتىق ەمەس).
وتىنىمدەر urker-awards.kz رەسمي سايتىندا 12 نوميناتسيا بويىنشا قابىلدانادى:
1. جىلدىڭ ۇزدىك سۇحباتى
2. جىلدىڭ ۇزدىك رەپورتاجى
3. الەۋمەتتىك تاقىرىپتاعى ۇزدىك ماتەريال
4. جىلدىڭ ۇزدىك جۋرناليستىك زەرتتەۋى (سەيداحمەت بەردىقۇلوۆ اتىنداعى ارنايى نوميناتسيا)
5. جىلدىڭ ۇزدىك اناليتيكالىق ماتەريالى
6. جىلدىڭ ۇزدىك جاڭالىقتار پورتالى
7. راديوستانتسياداعى ۇزدىك جوبا
8. جىلدىڭ ۇزدىك فوتوسۋرەتى
9. ۇزدىك وڭىرلىك ب ا ق
10. ۇزدىك حالىقارالىق ب ا ق (باسپا، راديو، ينتەرنەت- جۋرناليستيكا سالاسىنداعى)
11. ۇزدىك پودكاست
12. ۇزدىك YouTube كانالى
بايگەگە تۇسەتىن جۇمىستاردى (ماتەريالداردى) بەلدى جۋرناليستەر، سالانىڭ ەڭبەك سىڭىرگەن قايراتكەرلەرى مەن حالىقارالىق مەديا ساراپشىلار - بايقاۋدىڭ تاۋەلسىز قازىلار القاسى باعالايتىن بولادى.
ءار نوميناتسيا جەڭىمپازىنا «URKER» - 2023 ەستەلىك مۇسىنشەسى مەن 1000000 تەڭگە مولشەرىندە اقشالاي سىياقى تابىستالادى.
ۇلتتىق بايگە ۇيىمداستىرۋشىلارى – ق ر اقپارات جانە قوعامدىق دامۋ مينيسترلىگى، «مەديا دامىتۋ قورى» كورپوراتيۆتىك قورى.
