مينيستر قازاقستانعا قاي ەلدەردىڭ ازاماتتارى قونىس اۋدارىپ جاتقانىن ايتتى
بۇل تۋرالى ۇكىمەت وتىرىسىندا كوشى-قون ساياساتى تۇجىرىمداسىن ىسكە اسىرۋ بارىسىن تالقىلاۋ كەزىندە پرەمەر-ءمينيستردىڭ ورىنباسارى - ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايتتى، دەپ حابارلايدى قازاقپارات ءتىلشىسى.
«قازىرگى گەوساياسي احۋال جانە كوشى-قون ساياساتى تۇجىرىمداماسىنىڭ شارالارىن اتقارۋ ناتيجەسىندە كەيىنگى 10 جىلدىقتا العاش رەت كوشى-قون سالاسىندا وڭ ءۇردىس قالىپتاستى. كەلگەن ازاماتتاردىڭ نەگىزگى گەوگرافياسى ت م د ەلدەرى، قىتاي جانە موڭعوليا مەملەكەتتەرى. تۇراقتى تۇرۋعا قالعان ازاماتتاردىڭ باسىم كوپشىلىگى ەڭبەككە قابىلەتتى تەحنيكالىق (1443 ادام)، ەكونوميكالىق (577 ادام)، پەداگوگيكالىق (288 ادام) جانە مەديتسينالىق جوعارى ءبىلىمى بار ازاماتتاردى قۇراپ وتىر»، - دەدى ت. دۇيسەنوۆا.
ونىڭ ايتۋىنشا، ىشكى كوشى-قون ۇردىسىندە دە وڭ وزگەرىستەر بايقالدى. جىل باسىنان 160 مىڭنان استام تۇرعىن ەل ىشىندە قونىس اۋداردى. بۇل رەتتە، ءىرى قالالارعا كوش تىزگىنىن بۇرعان ازاماتتاردىڭ ۇلەس سالماعى 40 پايىز كولەمىندە بولعان.
