قازاق فيلم حالىقتىڭ ۇسىنىسى بويىنشا فيلم تۇسىرەدى
ازامات ساتىبالدى الەۋمەتتىك جەلىدە «قازاق فيلم» كينوستۋدياسى ەندى كورەرمەنمەن تىكەلەي جۇمىس ىستەيتىنىن ايتتى.
«قىمباتتى كورەرمەن، ءبىز ەندى سىزدەرگە ۇنايتىن، سىزدەردىڭ كوڭىلدەرىڭىزدەن شىعاتىن كينولاردى ءتۇسىرۋدى باستايمىز. سوندىقتان سىزدەرگە ۇسىنىس جاساعىم كەلەدى. بولاشاقتا قازاقفيلمنەن سىزدەر قانداي جانرداعى كينونى كورگىلەرىڭىز كەلەدى؟ كومەديادان باسقا ۇسىنىستارىڭىز بولسا نەمەسە سىزدەرگە قانداي تاقىرىپ ۇنايدى، مىسالى، دراما، مەلودراما، اۋىل نەمەسە قالا تاقىرىبى ما؟ جالپى قانداي باعىتتا بولاشاقتا قازاق فيلمنەن كينو كورگىلەرىڭىز كەلەدى، سول تۋرالى بىزگە پىكىر قالدىرىپ، جازساڭىزدار. ءبىز سول بويىنشا كەلەسى جىلدان باستاپ جاڭا كينولاردى تۇسىرەتىن بولامىز. ەندەشە مەن سىزدەردەن ۇسىنىس كۇتەمىن»، - دەدى ازامات ساتىپالدى.
ەسكە سالايىق، ازامات ساتىبالدى جاقىندا ش. ايمانوۆ اتىنداعى «قازاقفيلم» ا ق- نىڭ پرەزيدەنتى بولىپ تاعايىندالعان بولاتىن.
